【曾智華專欄】同一條鞭,時軟時硬

嗱嗱嗱,各位咪心邪啊!今日的標題,乃正正經經講鞭!乜鞭?是握在冠軍騎師潘頓手中的馬鞭。究竟佢幾時「硬」、幾時「軟」?真係得佢自己知,所有捧場馬迷,絕對吹佢唔脹。

大家都畀佢玩到陀陀擰!上周日跑十場,佢坐騎竟然有八隻大熱!

究竟是否全港馬迷、馬評人及「外邊投注者」皆懵到上心口,亂咁買呢?結果八隻之中,只得兩隻一點四倍的「永遠美麗」及「金鑽貴人」勝出,派彩加埋唔夠買半粒驚風散。

小弟一再強調,如今香港跑馬,真係任阿「軟硬鞭」(我替佢起的新綽號)開。真跑又得,夢遊又得,狂揪又得,輕掃又得,犀飛利。大家可以賽後重溫佢「軟」同「硬」有乜唔同。簡單,你留意佢落第的幾隻大熱演繹方法,相比入Q的「驕陽明駒」,就可以扎醒,歎句:「嘩!原來可以咁大分別嘅⋯⋯服晒!」

論騎師,艾道拿似乎開始慢慢適應香港模式,由走位到鬥最後一百米,比起初抵埗時,有明顯進步,可繼續留意。

上周日賽事,睇住《賽馬日在線》,其中一幕好搞笑。因「零零亨」見到「堅又威」有幾十人扶老攜幼落沙圈,提示大家捧多少場。其實呢匹馬乃母校聖若瑟書院大群舊生的「堅又威賽馬團體」(Green and White)夾分引入的。每次出賽,個個似參加嘉年華,全部成員家家空群而出,當然,更人人有理冇理真金白銀狂掟,結果次次賠率與勝出機會不成比例,變捐款。

今晚要留意方仔兩隻。第一隻「黑桃火箭」,報名時寫何澤堯,真上陣是布文,上鋪陳嘉熙只能入Q,今次不可再誤於庸手矣。第二隻為「獨角獸」。上次戴文高剷入第三,今次即換田泰安,三檔,夠鐘收割!

訂閱星島網singtao.ca電郵快訊,每天可收到最快新聞資訊: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

【港人移加037】 有一種加拿大小確幸 叫Kawartha

【高慧然專欄】一戶建

【康子專欄】日本盛夏的最後晚霞

【黃庭桄專欄】流汗血,盡赤心

都市網新聞