黃大仙廟口驚爆$10「賣香黨」產業鏈？阿婆強塞香燭威嚇「接咗唔准還」 孕婦拒絕：佢用香拍我個肚！｜Juicy叮

有女網民近日在網絡發文，指在黃大仙祠外遇到一位阿婆強行兜售香燭，拒絕後更被對方大聲辱罵，事件引發網民熱議，不少人紛紛表示有過類似經歷，有孕婦更表示因拒絕而被對方「用香拍我個肚」，不少網民指該處的「賣香黨」問題存在已久，有人更形容為有「已經商業化」之嫌，懷疑可能已發展成產業鏈。

黃大仙廟口驚爆$10「賣香黨」產業鏈？阿婆強塞香燭威嚇「接咗唔准還」 孕婦拒絕：佢用香拍我個肚！↓↓↓↓

有女網民在社交平台發帖表示，上周三（7日）她正前往黃大仙廟，在港鐵站出口就被一位阿婆攔住去路，詢問是「拜神定還神」，樓主隨口答了她「拜神」後，阿婆隨即「塞咗炷香比（畀）我，叫我比（畀）$10」。

「接咗就唔可以還，唔吉利！」

樓主深知廟內有免費香提供，便向阿婆表示不需要，試圖歸還，豈料對方不但不肯收回，更以「個個都係呢度買、接咗就唔可以還，唔吉利、比（畀）$10幫襯下阿婆啦，好平之嘛」等理由強迫他購買。

樓主堅決拒絕，多次推搪後才成功「夾硬塞返比（畀）佢」，沒料到阿婆竟在他身後大聲喝罵：「$10都唔肯比（畀），邊有人接咗唔買架，咁既人都有」，讓樓主大感無奈。

孕婦爆曾拒賣被動粗：真心黐線！

帖文引發熱烈迴響，並意外牽引出大量有相同遭遇的網民，不少人留言大吐苦水，指出這類事件已是「黃大仙日常」：「黃大仙門口啲婆仔起碼有20年，細個去果陣都係咁塞俾你。」有網民表示遇過更誇張的索價，稱：「上次佢要我俾400蚊佢，因為我屋企3個人」，該網民無奈說，拜神時只好祈求下年不要再遇到他們。

最令人髮指的是，有位懷孕的網民分享道：「我大住個肚行過，佢追住我叫我買，我拒絕佢就攞d香拍我個肚，我即刻指住佢嚟鬧！真心痴（黐）線！」

網民分享的各式「賣香黨」經歷，手法似乎愈來愈激進，除了強賣，亦有網民反映受騙經歷，有網民指曾在外購買符紙，檔主聲稱拜完後可交給廟內工作人員代為化寶，結果廟內職員告訴他：「根本就唔收呢啲嘢...你下次唔好再買嚟啦」，令他感到極之難堪，而售賣的香燭也被指「品質差到極點」。

網民創意應對：直接回應「耶穌愛你」

面對這些「賣香黨」，不少網民亦分享了各種應對策略，最多人建議的「治本」方法就是避之則吉，選擇其他路線前往，例如「由黃大仙中心上去，行daiso 個層，推玻璃門出去」，或者直接「唔行地鐵出口」。

如果避無可避，網民則教路要「唔好有眼神接觸」、「唔好應機，一枝箭衝去黃大仙廟」，有網民更提出創意十足的「擋箭牌」，如直接回應「耶穌愛你」、「我係神父/修女黎架」，有人更建議反問對方：「你返唔返教會？」

不過，有網民亦提醒指黃大仙廟外，並非所有賣香燭者都是「賣香黨」，也有不少優良商舖，例如在B1出口附近「有個好老嘅婆婆長期坐係度賣好靚嘅香9枝$5」，這位婆婆便不會強行兜售其實。

來源：ally.yip＠Threads

同場加映：車公廟攝太歲投訴兩遭職員誤導「收貴」 港女拜神揭有人疑向善信出口術 廟方：人流眾多引起誤會將加強巡查↓↓↓↓

有港女在社交平台發帖，表示在剛過去的周六（8日），與男友去沙田車公廟攝太歲。

「一入去門口個攤檔有張紙寫住，拜神嘅香有2種，分別係$60同$90。」

她打算和男朋友買一份$60的拜神香共用

「點知個staff講：攝太歲要入大殿，但$60嗰啲香入唔到大殿架，要$90嗰啲先得。」

於是，她為了和男友入大殿攝太歲，兩人買了兩份$90的拜神香，總費用$180。

但當她們入到大殿後才發現，該職員的說法疑有誤導，「入到去先發現，只要拎住3枝香，就可以入大殿拜神，根本冇分咩$60定$90，更加冇分咩一人要拎一份。」

入到大殿要攝太歲包，太歲包是向廟方購買，港女指，職員「話個太歲包一口價$278」

於是她用「payme畀錢，佢（指職員）睇住我過咗$278，就幫我攝」。

完成攝太歲後離開，她發現因為網絡接收不佳，剛才「payme條數過唔到」，她叫家人在本周一（10日）到車公廟再補交一次$278太歲包的款項。

她家人付款時才發現，「原來個太歲包有分3種，分別係：$90、$168同$278。」

但是，港女強調：「但我買嗰陣時啲staff冇同我講過，有3個價位嘅套餐可以揀，而係直接叫我買最貴嗰個。」

該港女批評部分職員「真係勁唔老實」，「咁樣呃啲善信嘅錢好咩？」

帖文引發熱烈迴響，部分網民留言分享相同遭遇，有網民表示「之前我忍唔住寫過電郵去華人廟宇委員會，投訴同一樣嘢，嗰次我話，唔要咁大份個職員繼續水我，到我堅持佢直頭唔理我......」

該網民將華人廟宇委員會的書面回覆，截圖公開

委員會回覆表示：「本委員會職員就你的意見作出跟進後，已要求司祝必須加強售賣處職員的培訓，並指示售賣處職員了解善信的祈福需要後，再介紹相應的寶燭種類及組合供善信選購。至於廟內財神殿的福袋物件，亦已叮囑司祝必須留意其品質。」

另有網民亦留言分享遇過相同情況：「終於有人寫出來......今年成個過程感覺好差。」

「拜咗幾年車公，啲香越嚟越貴，唔緊要嘅，我當一年一次添吓香油錢，門口已經買咗舊幾水香，入到去攝個太歲，一來又係開我2百幾蚊個價，原本要幫我老公攝埋，咁咪成5舊幾水？」

「我記得之前百零蚊，望一望佢哋個價錢牌，原來有$90太歲衣，我話要$90得喇，個呀姐（指職員）即刻唔理我，點拜點品神，完全無講......」

另外，有網民表示：「佢(指職員)尋日同我講攝太歲$388嘅......連價位都冇講，因為我印象中唔使$388，最後冇畀度錢，拜完就算......」

另一位網民則表示：「上星期第一次去車公廟攝太歲......一入門口就問d 職員點拜，因為我需要幫家人一共3位攝太歲，佢地就話要拜車公先攝得，我見寫住$130 一份，就問係咪要買3份先得，咁算啦，一年都係得一次，就買左3份$390，入到去點香先知原來買一份拜車公都ok。」

「之後入去攝太歲，果d 職員係咁sell 我買$168，我明明見到寫住$90一份，問左兩次唔係$90份咩？佢先俾我3份$270， 講真體驗真係有d 差，不過都同自己講算啦，但求安心，但冇諗過有咁多人都有呢個feel。」

沙田車公廟由「華人廟宇委員會」負責管理，該委員會是根據香港法例第153章《華人廟宇條例》，於1928年成立的法定機構，轄下管理的廟宇共24間，委員會主席為民政及青年事務局局長。

根據「華人廟宇委員會」直轄廟宇的收支報告，截至2023年3月31日年度，沙田車公廟年度總收入約1千7百餘萬元，扣除支出後，年度盈餘1千5百餘萬元，位列各直轄廟宇之首。

華人廟宇委員會回覆《星島頭條》表示，沙田車公廟內有多款參神香燭組合供善信選擇，而設於車公廟外的車公誕市場是由食物環境衞生署營運，亦有提供類似產品，善信可自由選擇。

至於車公廟內太歲殿售賣的攝太歲產品，經與司祝了解，相信由於假日攝太歲人流眾多，職員未能向善信詳細解釋各款產品而引起誤會。司祝已立即訓示售賣處職員必須向善信清楚解釋各款參神產品 / 服務，以供善信自由選擇。本委員會職員亦會就有關事宜加強巡查。

沙田車公廟內提供各款參神產品 / 服務，包括參神香燭組合及攝太歲產品等，相關價目表已張貼於各售賣處。因應你的查詢，相關價目表亦已張貼於車公廟內更多不同的當眼處，以供善信參閱。