陳柏熹回應麥明詩曝光關之琳無修圖照撐之之靚好多 毁容後重生自認執返身彩：鼻窿生肉影響呼吸

時裝品牌「太子爺」陳柏熹早年曾發生車禍毁容，今已全面修復。昨日他舉辦生日派對，在中環設宴邀請好友相聚。訪問中，他坦言今年39，即將踏入40歲且心情複雜，說：「因為好似之前嗰兩年冇咗，skip咗兩年，一擘大眼就39。」

時裝品牌「太子爺」陳柏熹早年曾發生車禍毁容。

陳柏熹花300萬歷經7次手術，至今已全面修復。

父母出席他的生日派對。

股評人及節目主持胡孟青參與其中。

陳柏熹需要做鼻內小手術。

醫生話鼻窿入面生多咗啲肉。

陳柏熹父母好錫兒子。

陳柏熹係媽媽寶貝仔。

公關鄭紹康到場。

陳柏熹發生意外後已接近3年沒有在IG分享個人正面照片，他意外後樣子與過去有點不同。

陳柏熹意外前生活照。

麥明詩曝光關之琳無修圖相。

64歲「美魔女」關之琳。

34歲麥明詩已是人母。

陳柏熹仍需做鼻內小手術

陳柏熹「姐姐」關之琳與麥明詩合照後，有傳媒指麥明詩只替自己P圖。陳柏熹表示曾睇過有關報道，直言：「之之靚好多！」如果在自己身上發生同樣情況，又會怎做？他表示會私信對方請他刪合照。談到意外後臉部重建手術，他大方分享情況，指需要做的手術已經做好，現只需要做一個鼻內的小手術就可以。「純粹可能我休養嘅時候休養得太好，醫生話鼻窿入面生多咗啲肉。」稱未來可能會影響呼吸。

陳柏熹將直播帶貨唔理尖銳言論

他形容自己經歷意外後康復是「執返身彩」，之後會嘗試直播帶貨。會不會擔心被網民攻擊？他坦言：「我想既然反正都開咗個頭啦，不如俾埋大家睇個終點同埋個結尾啦。多咗有尖銳嘅，但係亦都有好鼓勵性，好多時都好多謝，你哋都好鼓勵啦，所以嗰啲鼓勵對我嚟講都好重要。過咗呢件事之後，我個人好敏感，所以其實要多謝好多唔識嘅人，同埋我識嘅人，都好鼓勵我。」怎樣應對尖銳言論？他也回答：「尖銳我會唔理。」