關智斌回應《東周網》直播張致恒欠債風波 望對方開源節流可俾理財意見 認過年照封利是給小朋友
關智斌（Kenny）、名古屋亞運港隊第一金得主、武術運動員沈曉榆、職業拳擊運動員曹星如等今晚（8日）出席《博愛中環繞慈善跑2027》記者會，其後到中環碼頭挑戰「夜跑」。
關智斌笑自己最麻煩太靚仔
對於被網民封為「世紀廢男」的梅啟明、周永恆與張致恒（Steven）早前合體現身《東周刊》的《東周網》直播，Steven大爆多年來加加埋埋共欠債約100萬，當中債主有蔡卓妍（阿Sa）、關智斌和林盛斌（阿Bob）。關智斌說：「咁耐的事情，我唔會去記住。（會否預期他會還錢給你？）我又唔係叫還唔還錢，覺得不如等佢自己處理好自己，因為我知道佢好大開支。」提到張致恒電費單欠款$9,489，問到會否幫忙清還？他說：「我諗佢咁大個仔應該有佢嘅打算嘅，希望佢會識點樣去處理，好好地理財。我有同佢講過一啲建議，不過等我哋私底下講。佢其實牽涉好多嘢，私人嘢唔公開呢度講。我覺得唔係淨係錢係唯一一個辦法，點樣開源節流，我都可以俾到意見，私底下同佢溝通。」關智斌透露不時會跟張致恒或節日以短訊聯絡，談到農曆年可會封利是給張致恒的四個兒子，他說：「 咁我封利是俾小朋友當然一定會嘅，好正常啫。」提到在霍汶希（Mani）主持的網上節目首集中，嘉賓容祖兒提問「帶過最麻煩的人是誰」。當時 Mani 意味深長地望向身旁的關智斌，原來是指他「以前的好朋友兼搭檔。」他說：「其實個個都有麻煩，話邊個最麻煩，我真的唔識答你，可能話「喺這方面關智斌是最麻煩，喺呢方面可能阿Sa最麻煩。」。當問到他自覺最麻煩那方面？他笑說：「太靚仔。」
關智斌最長試過跑20公里
另外，對於可有操練跑步，關智斌表示今次跑短途，平時有練跑有待進步先諗去跑全馬，不過報緊課程，亦會考量自己的耐力，不會勉強自己，最長試過跑20公里。他說：「我可能之前有練開打網球、打波，可能跑十幾、二十公里都可能勉強應付到。如果真係跑全馬真係要一個好規律嘅行程去應付。」近年熱衷參與極限體能賽（HYROX）的關智斌，表示這個運動講求爆發力、耐力及心肺功能，馬拉松則要耐力同技巧。「原來跑姿點樣，點樣呼吸同Fing手，全部嘢都是一個學問嚟。」
關智斌明白比賽投入不理會其他
提到澳洲籍女選手喬安娜（Joanna Wietrzyk）參加在中國北京舉行的HYROX室內體能耐力賽時，在比賽中途因腹瀉大便失禁。關智斌表示自己參加比賽未有遇見過同類事件，亦明白選手比賽中會好投入，好似去到另一個境界，聽唔到別人說話、又看不到其他事，只是專注自己的呼吸。他說：「點解會有咁嘅情況唔停止佢，我諗可能大家第一次遇到，應該都有啲錯愕，未知道點去應對呢個情況。經過今次大會溝通咗，以後會明白點去處理呢啲突發狀況。」
關智斌稱Yumiko堅持Keep fit
提到早前於廣州舉行「THE ENDLESS ADVENTURE LIVE演唱會」，獲好友 Twins、Yumiko（鄭希怡）做嘉賓。關智斌指好早邀請她們，特別是Yumiko在演唱會其中一部份演出，對方要排舞同訂造服裝。提到鄭希怡身形變肥，但在短時間內重拾巔峰狀態，在飲食上實施極嚴格的控制。關智斌指鄭希怡稍後要參加一個大型比賽，對方Keep得好fit ，但第一次見到佢有雙下巴。他說：「我識咗佢咁多年未見過雙下巴，跟住我同佢講：『你好似要減吓。』我唔知係唔係咁樣刺激到佢，以為完咗演唱會，佢就會唔使減，點知佢繼續日日食幾隻雞蛋又做三個鐘頭運動！佢都有問我做一些做運動嘅意見。」
關智斌鬧地產經紀離譜
提到蔡卓妍（阿Sa）疑被地產經紀爆租住東半山頂層相連單位。他說：「 唉！真係好離譜囉！記得我嗰時住嗰個屋苑，朋友同我講話，嗰啲經紀係逐個指呢間屋係邊個住。我覺得呢個係佢哋操守，雖然大家都知可能會咁樣做，如果喺上網講出來就幾影響到其他人。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
