璀璨之城丨陳瀅封口唔回應JW秘婚 認土耳其旅行冇做花女 蔣祖曼避談唐寧合約官司

陳瀅和蔣祖曼今日出席主演台慶劇《璀璨之城》宣傳活動，提到早前《東周刊》獨家爆JW王灝兒去年11月秘嫁富貴足球隊班主兼音樂界猛人王至尊。身為JW好友的陳瀅表示：「人哋嘅嘢唔答！」她表示去年自費到土耳其旅行，但無跟JW一齊去，亦冇參加婚禮。當追問有冇做花女？她說：「我上年冇做花女。（參加婚禮？）我上年去過幾個婚禮，即係好多婚禮都係朋友嘅，去到呢個歲數肯定好多婚禮去啦。」

陳瀅好耐冇見JW

談到最近可有跟JW見面，她表示好耐冇見對方，但今年JW五月生日有為對方慶祝。問到可知JW結婚？她說：「關於其他人嘅嘢我唔答。」

陳瀅和蔣祖曼今日出席台慶劇《璀璨之城》宣傳活動。

陳瀅和蔣祖曼一齊派心

陳瀅封口唔回應JW秘婚。

陳瀅話題只肯講新劇《璀璨之城》。

蔣祖曼不提唐寧官非。

如果有機會也會去探唐寧。

陳瀅好照顧陳曉華。

「642組」閨密團成員馬天佑、羅天宇、陳懿德及陳瀅等去過土耳其旅行。

JW容光煥發。

《東周刊》早前直擊JW跟「老公仔」如膠似漆。（《東周刊》提供圖片）

佘詩曼洩露JW與王至尊（後排左一）「拍拖照」，相中亦可見張國榮摯愛唐鶴德（前排左二）也在場。

《東周刊》獨家爆JW去年11月秘嫁富貴足球隊班主兼音樂界猛人王至尊。

唐寧9月23日突遭前經理人公司入稟高等法院控告違約，入稟狀中更揭唐寧的情緒不穩，令不少網民憂心，她於中秋節更新社交平台「報平安」。

陳瀅與張智霖挑逗戲驚冇人娶

而在該劇跟張智霖多對手戲的陳瀅，透露跟對方其中有場挑逗戲。她笑說：「大膽到我少少覺得話，會唔會冇人娶我呀？不過之後監製就話：『就係因為咁樣，先至有人娶你呀！』因為話咁樣先至好睇，先至更加想追你。」談到對這場挑逗戲是否感到滿意？她說：「我覺得可以，永遠有進步空間嘅，因為我未試過拍。」談到可有被張智霖的氣場嚇親，陳瀅表示冇嚇到，反而好期待，因為好難得有機會同多位演員一齊演出，今次可以跟張智霖合作是一個非常開心的經歷。

蔣祖曼被張智霖言語暴力 

同場出席的蔣祖曼，表示跟張智霖有對手戲，戲中被對方好多言語暴力，又笑言未有性感演出，而是包到好密實。提到現居於紐西蘭的好友唐寧，最近與經理人發生合約官司糾紛，蔣祖曼表示：「人哋啲嘢我唔答啦！」問到可有關心唐寧，她表示有，平時都有聯絡。談到唐寧有官司在身，可有跟她分享？「人地嘅事就唔多講啦。」問到可會到紐西蘭探望唐寧，她表示如果有機會去，但對方有時都會返港。