羅樂林獲傑出員工獎自認拒流攤 「龍家」齊讚「大龍生」專業從不遲到 撐《三代同糖》提議組義工隊兼隨時客串

羅樂林獲𠎀出員工獎，今日（10月8日）出席嘉許禮，《愛．回家之開心速遞》「龍家」二太蘇恩磁、三太樊亦敏、大小姐林淑敏、送水輝許家傑、Joe少何晉樂（Rock）亦有出席。羅樂林說到獲獎感受，他說：「38年嚟冇揸流攤。」受訪時提到「冇揸流攤」言論，他說：「唔好話喺TVB，我入行過咁多間電視台都做到盡，同埋邵氏年代到而家都18年。咁多年就算受幾多次傷，我都冇！」

羅樂林不會慶祝

頒獎後，「龍家」眾人送上生日蛋糕和鮮花。講起慶祝活動，羅樂林表示「唔慶祝」，因為屋企人有事忙，但表示之後也會約時間食飯。他也提及今個月很多人約他：「超過10個人約我食飯。」有記者問到，他還會不會自己買餸下廚，他坦言已經不會煮飯，即認自己年紀大。「我今年78，過多幾日就79，跟住仲一年就80㗎啦，我就唔煮㗎啦。」又分享以前不會要求工人姐姐幫他煮飯，工人姐姐只需負責家頭細務，和照顧狗隻。

羅樂林獲𠎀出員工獎。

「龍家」二太蘇恩磁祝賀。

羅樂林說到獲獎感受，他說：「38年嚟冇揸流攤。」

三太樊亦敏亦有到場祝賀。

樂小姐亦有現身祝賀。

羅樂林養生秘訣日日郁

他提到自己生日之後就79歲，分享養生秘訣就是做運動，要天天郁動。會不會退休？他回答：「我又冇諗呢樣嘢，但係有一日個身體會話畀你知要退休。我又唔會覺得邊度唔好，因為我有做運動，我細個去打拳，同埋而家我冇停過做運動。總之有一日，除非有真係年紀大到唔得，如果唔係每日你都要抽時間做運動，同埋唔好成日坐喺度。」永不言休？他回答：「我係希望咁樣，個身體佢話要退休就你就要退休。但係而家我都OK！」

林淑敏想知邊個賺500蚊

《愛．回家之開心速遞》「龍家」二太蘇恩磁、三太樊亦敏、大小姐林淑敏、送水輝許家傑、Joe少何晉樂（Rock）大讚「大龍生」羅樂林多年來工作都是認真又專業。問起是不是他們提名「大龍生」羅樂林競逐𠎀出員工獎，眾人都表示不是。林淑敏笑言：「究竟邊個想賺呢500蚊呢？」

樊亦敏推羅樂林「實至名歸」

樊亦敏坦言，覺得羅樂林「實至名歸」，許家傑也舉例子，坦言經常見到羅樂林的劇本中寫滿筆記。眾人也紛紛表示，羅樂林從來都不會遲到，而且到場之前必定熟讀劇本。樊亦敏也笑言，指他們太習慣「威哥」的演員專業，其實這些是演員基本的操守才對。「龍家」之中，蘇恩磁當屬認識羅樂林時間最耐。她說：「佢從來都冇揸流攤！我識佢50幾年啦。無論喺公司，喺屋企佢都唔會揸流攤！」蘇恩磁和樊亦敏續指，她們也想獲獎。樊亦敏說：「我哋想排隊。」

「龍家」眾人送上生日蛋糕和鮮花。

眾人紛紛表示，羅樂林從來都不會遲到，而且到場之前必定熟讀劇本。

問起是不是他們提名「大龍生」羅樂林競逐傑出員工獎，眾人都表示不是。

他提到自己生日之後就79歲，分享養生秘訣就是做運動

講起慶祝活動，羅樂林表示「唔慶祝」，因為屋企人有事忙。

林淑敏跟何晉樂學唱歌

講到眾人近況，樊亦敏表示自己剛拍完《驅魔速遞》，之後會做賀年節目的主持，她表示自己只是「掹車邊，學吓嘢」。林淑敏則表示，最近也有些廣告拍攝，而且正為馬拉松賽練習，之後她更提到正跟何晉樂學唱歌。何晉樂也表示，最近正在裝備自己，學習做自媒體和A.I.之餘，也有教林淑敏唱歌和跟林淑敏學演戲。許家傑則表示，過慣了以前忙碌拍戲的生活，雖然只是離開了《愛回家》幾個月，但已經有「戲癮」。閒暇時，他會打籃球和專心於自己的「跑會」上。

樊亦敏讚《三代同糖》夠團結

問及對於新一輯《愛・回家之三代同糖》的睇法，眾人都表示支持。樊亦敏說：「事實上，台前幕後大家都好用心，好團結一致。」林淑敏說：「好睇就得啦！我覺得讚就細聲啲，鬧就會大聲啲嘅。」何晉樂表示有不少朋友也在劇中，所以也十分支持：「我都好開心見到佢哋搵到自己角色。」蘇恩磁坦言自己「煲緊劇」，所以比較少睇新一輯《愛》，但有時間也會收看，又說：「每一套啱啱開始嘅時間都要煲，所以而家可能係一個過渡期，等佢煲滾先。」許家傑表示，之前4位的睇法也是他的睇法。他們提議，可以用「龍家」名義組建義工隊，或將來有機會的話，以客串身分出現。不過，許家傑也強調，出現與否需「等公司安排。」