蔡天鳳碎屍案｜蔡母在蔡天鳳失蹤8小時後報警 鄺港智：「你X街啦！報警都唔話俾我知」

28歲名媛蔡天鳳（Abby Choi）疑遭殺害肢解案第10日審訊。蔡天鳳母親張燕花憶述，在2023年2月21日晚上得知蔡天鳳失蹤後，曾致電鄺港傑問「究竟佢（蔡天鳳）去咗邊」，惟鄺港傑搪塞指蔡天鳳「去咗飲酒啦，約咗朋友」，張燕花質疑「（蔡天鳳）唔係去接妹妹咩（蔡天鳳次女）」，鄺港傑回應「我叫我阿媽接咗返屋企啦」，並不耐煩斥「我要瞓覺啦，唔好再打嚟」。張燕花在警署致電鄺港智時，鄺港智斥「X街啦，你報警都唔話俾我知」，張燕花怒指「你X街啦，我嗰女唔見咗，我報警關你咩事」。

蔡天鳳失蹤 鄺港傑先稱蔡「有事落車走咗」再指她飲醉酒

張燕花憶述，在2023年2月21日帶友人到加多利山視察單位，蔡天鳳當時亦在場，張燕花離開後仍有與蔡天鳳聯絡。直到下午2時，蔡天鳳表示要到學校接次女放學，因而與張燕花終止對話，該對話已是母女二人最後一次聯絡。張燕花在晚上接到譚方駿來電問「姐姐（蔡天鳳）係咪同你一齊」，張燕花表示沒有與蔡天鳳一起後，嘗試致電蔡天鳳，惟電話未能接通。

張燕花得知蔡天鳳失蹤後，隨即致電鄺港傑及鄺家其他人，張燕花首次致電問鄺港傑「姐姐（蔡天鳳）去咗邊」、「姐姐唔係接細路仔咩」，鄺港傑卻回應「我唔知呀」，指「Abby同人地打電話嗌交，好嬲」、「講好多海南話，跟住落咗車，走咗啦」。張燕花問「（蔡天鳳）唔係去接妹妹咩（蔡天鳳次女）」，鄺港傑指「Abby話佢有事喎」、「突然間唔得閒」。

蔡天鳳。

鄺球。

鄺港智。

張燕花再度致電鄺港傑「我不停問究竟（蔡天鳳）喺邊度」，鄺港傑指「佢去咗飲酒啦，約咗朋友」，張燕花追問「究竟喺學校落車，定喺大埔落車」，惟鄺港傑「一陣話大埔落車，一陣話半路落車」，更指「唔使驚啦，你放心啦，佢飲醉酒，聽日會返嚟㗎啦」。張燕花質疑鄺港傑的說法指「佢（蔡天鳳）都唔識飲酒」，追問道「咁妹妹（蔡天鳳的次女）呢？邊個接啊？」，鄺港傑回應「我叫我阿媽接咗返屋企啦」。張燕花描述，鄺港傑當時「好嬲」，表示蔡天鳳是「成年人」，翌日會自行回家，更指「我要瞓覺啦，唔好再打嚟」。

鄺港智得知蔡母報案激動指責「你仆街啦！」

張燕花指，蔡天鳳「好有交帶」，而且不喝酒，惟蔡天鳳失蹤7至8小時，她完全無法聯絡蔡天鳳。身為司機的鄺港傑也無法清楚交代蔡天鳳在哪兒下車，張燕花便約同譚方駿一起到警署報警。張燕花在警署致電鄺港智時指，「阿囡唔見咗，我依家報警啦」，鄺港智則激動地說：「你X街啦！報警都唔話俾我知」。張燕花反斥：「你仆街啦！我個囡唔見咗！我報警關你咩事」。

張燕花指蔡天鳳失蹤但鄺家「全家無一個關心」，張燕花憶述她在蔡天鳳失蹤當晚沒有聯絡鄺球，她曾與李瑞香通話，但李瑞香完全不關注蔡天鳳失蹤的事。張燕花致電鄺港智時提出質疑：「係咪你老豆攞佢去邊度啊？捉咗囡囡呀 ！」。張燕花解釋指：「我阿囡從來沒有得罪任何人，只是同鄺球（就賣樓事宜）嗌交，鄺球要打要殺，我就話係佢」。張燕花認為鄺港智接電時反應「好恐怖」，「唔想我報警好恐怖」。

疑鄺港智父子「捉走」蔡天鳳

張燕花向鄺港智稱：「我個囡唔見咗，你唔覺得唔尋常咩？係咪你同你老豆捉走咗佢？」，但鄺港智則建議張燕花慢慢等蔡天鳳回家，「唔洗咁快報警」。張燕花向鄺港智說：「肯定係你哋兩個攞佢去邊度 ！」，「係咪你同你老豆捉走咗（蔡天鳳）」，鄺港智只回應說：「點解你咁講呀？」

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

案件編號：HCCC198/2025
法庭記者：劉曉曦 黃巧兒