小學雞迷路 廿載難忘旺角驚魂 暖男搭小巴人肉導航護送 苦主長大後尋人道謝 網民教用呢招暗中報恩｜Juicy叮

得人因果千年記。一名 29 歲港男日前在網上尋找 20 年前的「救命恩人」。他憶述當年就讀小學時，身穿校服在旺角西洋菜南街迷路爆喊，幸得一名暖心打工仔帶他返回辦公室向老細交代，隨即親自陪搭小巴將他護送回家，溫暖舉動令他記掛至今，希望能對恩人親口講聲多謝。詳情見下圖及下文：

小學雞迷路 廿載難忘旺角驚魂 暖男搭小巴人肉導航護送 苦主長大後尋人道謝 網民教用呢招暗中報恩逐張睇↓↓↓↓

小學雞迷路 廿載難忘旺角驚魂 暖男搭小巴人肉導航護送 苦主長大後尋人道謝 網民教用呢招暗中報恩｜Juicy叮（小圖為Google map截圖）

廿載心事 盼尋恩人

樓主早前在社交平台 Threads 發布標籤為「尋人」的帖子，感性透露一段一直壓在心底的童年往事：「呢件事放咗喺我個心好耐，我好希望可以喺呢到搵到你同你親口講聲多謝。」

他推算當年的好心恩人，如今大約 50、60 歲，更坦言若非對方善良的舉動，「我諗我依家都唔知會喺街邊做乞兒定點」，皆因印象中當年社會流傳不少拐子佬疑雲。

樓主帖文。Threads截圖

膽粗粗跟同學搭地鐵

這場街頭驚魂發生於 2003 至 2006 年間，當時樓主僅讀小學一至三年級。某天放學因故沒坐上保姆車，年紀小小的他依稀記得自己住在旺角海富苑，便「膽粗粗就跟咗兩個同學搭地鐵返屋企」。

怎料走出地鐵站後舉目四顧，街景完全不對勁，嚇得他當場崩潰：「一出地鐵站行咗一陣就發現X街啦，呢到同我認知中嘅屋企完全唔同！」

街頭狂哭 遇暖男出手相救

當時正值盛夏，樓主身穿白色短袖、白色短褲校服，頸上掛著一個藍色八達通套，在西洋菜南街（即現時家樂坊位置）無助狂哭。就在驚慌失措之際，一名途經的打工仔察覺異樣上前好言安慰，並一口答應送他回家。

帶返Office向老細交代 陪搭小巴送返家

令人感動的是，該名打工仔並非敷衍了事，而是特意帶著滿臉淚痕的小學生返回自己 office（辦公室），「同你老細交代一聲之後，你就帶我搭小巴送我返屋企」，全程護送直至他平安抵達海富苑。

網民：以前香港人好純良

網民大讚樓主飲水思源「有份感恩嘅心」，高呼「推!!!!」、「幫你推」、「幫手推，唔好令樓主有遺憾」。更有網友幽默自嘲「差點以為被人尋緊，但其實地點、年齡，全部爭少少」。

不少網民感嘆以前與現代的社會氣氛截然不同：「以前啲人比較純良，社會氣氛發展都向好，好人好事多真係唔出奇，唔好用而家嘅人心去比舊時了」。

網民傳授「暗中報恩」妙計

對於如何報答恩情，網民紛紛獻出窩心建議。有人直言要「把這份情傳下去」，或是實踐「pay it forward（將善意傳遞下去）見到有人要幫忙都伸出援手」。

更有網民傳授一招意想不到的「暗中報恩」玄學妙計，透露如果想對無法再接觸的恩人報恩，可以在心中「默默為佢哋嘅安康祈禱／送祝福俾佢哋」。

資料來源：w.w.nn＠Threads

相關閱讀：