潘小文自爆遭恐嚇報警求助 揭梅媽逾千萬遺產真相 怒轟梅啟明：唔好再喺度搞風搞雨

已故樂壇天后梅艷芳的母親覃美金（梅媽）於上月底離世，喪禮亦已低調舉行，曾曾指要豪花150萬元幫梅媽風光大葬的梅啟明，在得知母親已被火化後，未有讓梅媽「入土為安」，連日來動作多多，日前接受《星島頭條》訪問時，聲稱自己的律師有要求姪仔律師交出遺囑，又鬧爆侄仔可惡和陰險，要「等個天嚟收佢」，甚至操縱梅媽與他脫離關係：「佢係深謀遠慮，叫佢都唔睬，呢啲咩人嚟？簡直係畜生！」

潘小文坦言被人恐嚇已經交給警方

梅媽生前好友潘小文今日（29日）在李婉華的YouTube頻道開直播，她坦言被人恐嚇，但因已經交給警方，所以不方便回答太多：「最近有朋友見到佢喺我住嘅地區出現，所以都有一定程度嘅擔心嘅，警察都講咗如果我見到嗰個男子喺我屋企附近啊，或者我工作嘅地方附近出現呢，即係我視線範圍見到佢啦，都叫我即刻就報警處理。嗰個70幾歲嘅男子啦，公開話即係打我，我嘅律師都建議我去報警嘅，咁警察頭先都俾咗啲指示我啦，自己出入要小心啦。」

已故樂壇天后梅艷芳母親梅媽覃美金8月30日離世，享年102歲。

梅啟明在梅媽離世後又再展開控訴。

梅啟明得悉梅媽已被火化，一時心情激動導致身體不適送院。

梅啟明於入院時一度胡言亂語。

潘小文坦言被人恐嚇，已經交給警方。

小文説：「我唔知佢係咪踩線，總之喺我生活嗰個區分出現。」

潘小文續說：「梅先生對佢嘅言論都要對自己做過嘅嘢，講過嘅嘢負責任。」

梅啟明近日搭港鐵時被捕獲。

梅啟明似乎去完購物。

有網民好奇梅啟明買衫，是否為上庭提前做準備。

網民好奇梅啟明錢從何來。

網民指梅啟明身邊的女伴唔同樣。

已故樂壇天后梅艷芳胞兄梅啟明揚言，要花150萬爭辦梅媽身後事。

梅啟明開記者會聲稱交代梅媽身後事安排，頓成全港焦點。

梅啟明大馬太太Joey曾公開炮轟他不顧妻兒。

梅啟明與女友May May經常高調孖住現身。

梅啟明曾公開表示與May May將結婚。

梅啟明早前在泰籍女友May May陪同下到醫院了解梅媽離世一事。

網台「鼎豐盛」邀來梅啟明（右二）與張致恒（左二）同場，堪稱「世紀對談」。

梅啟明以「被動」形容自己的感情狀況，稱並非自己有本事。

談及如何維繫關係，梅啟明認為要親身去探望對方，直認機票錢由女方支付。

張致恒聽完梅啟明對感情的見解後，笑言「學緊嘢」。

梅啟明反寸張致恒：「你都威過威士忌，仲要學？」

梅啟明日前接受網台訪問，豪言「阿梅身家一分錢都唔要」。

梅啟明言論令人驚訝。

梅啟明指必定要爭取梅媽的遺產。

梅啟明指人生最緊要唔係錢。

梅啟明指自己不貪錢：「如果要貪都唔會等依家」。

梅啟明指做長工難去打官司。

潘小文表示因已經報警，所以未有開名，只表示是一名70多歲的男人，而且大部份時間都由李婉華開口問，潘小文説：「我唔知佢係咪踩線，總之喺我生活嗰個區分出現，有朋友見到佢喺邊度邊度出現，就影啲相WhatsApp我話畀我聽，我都叫做半個公眾人物，佢要認我、要搵我，容乜易呀，我自己都會好小心。我成日都有諗，一波剛平，一波又起，唔知搞乜，真係好混亂。」李婉華讚潘小文處理手法很好：「佢而家個情緒好激動，隨時會做出一啲過激嘅行為，佢認為大家查核咗佢承繼遺產嘅事嘛，你同佢個侄仔都可能係佢眼中釘，佢已經喺個網絡上面係咁講㗎啦。」潘小文則說：「交畀警察查啦，我就覺得喺呢方面，我真係唔方便講。頭先教晒我哋已經講晒，佢哋都教晒㗎啦，咁唔排除警方會聯絡相關人士，因為嗰啲人係公開講嘅嘛。」對於梅啟明連日的行徑，高調與泰籍女友坐地鐵shopping，潘小文說：「佢明明話自己冇嘢做，失業㗎嘛，而家又突然間有錢使，幾好啊，一個老人家有錢使，我都覺得係開心事嚟嘅，佢shopping最緊要快樂，咁你咪見到佢對住鏡頭嘅樣同佢背後嘅樣係有好大嘅對比囉，梅先生成日覺得自己係明星，佢先係明星嘛，但事實上一個小丑嘅行為都好明星嘅，呢個我唔反對嘅。」

潘小文續說：「所以梅先生對佢嘅言論都要對自己做過嘅嘢，講過嘅嘢負責任。香港係法治嘅地方，大家就要遵守法，如果真係覺得咁有問題，你可以報警求助，或者自己用一啲法律途徑去處理囉，唔係咁樣喺一啲平台上面高談闊論，又話要去傷害其他人，就唔應該，真係唔應該。咁我再講一次，梅媽喺三年前已經出咗個聲明同呢個人斷絕關係㗎啦，嚴格嚟講呢，阿梅媽對佢已經係恩斷義絕㗎啦。但佢又頻頻都仍然，即係攞佢阿媽嚟去招徠，人都過咗身囉，咁所有嘢都係佢生前嘅意願嘅時候，咁我哋都應該尊重返相關嘅決定。因為梅媽生前係講得好清楚，係將佢所有嘢交畀侄仔處理，而唔係交畀梅啟明，亦都從來冇提過梅啟明三個字嘅時候，但佢就不停咁樣claim自己係梅覃美金女士嘅兒子，呢個身份我都冇異議嘅，但我再講一次，梅覃美金女士喺三年前已經同梅啟明先生割斷咗佢哋嘅關係，咁梅啟明先生喺出面嘅花樣百出呢，同梅覃美金女士都係完全冇關，希望大家都理解，接受呢一個決定。你係佢個仔，呢個係事實，但係而家梅覃美金女士已經喺三年前已經登出咗個聲明同梅啟明先生係已經冇關係，所以都希望梅啟明先生尊重返家屬嘅意願，就唔好再喺度搞風搞雨。」

梅媽覃美金喪禮低調進行：

梅媽的親友於9月19日低調現身火葬場。

梅媽的親友好傷心。

現場可見潘小文也在場打點。

梅媽的親友哭斷腸。

約晚上6時28分，約二十名親友完成儀式後步出火葬場，眾人神情哀傷。

部分親友更是情緒激動、哭成淚人，場面令人心酸。

身穿白色素服、戴上眼鏡的潘小文亦在其中，低調送別梅媽。

整個儀式過程約半小時，氣氛莊嚴肅穆。

現場隱約聽到有人大喊「收嘢呀！」整個過程歷時約十分鐘，之後眾親友便一同登上預備好的19座小巴黯然離去。

潘小文神情哀傷。

靈柩移送至大圍富山火葬場進行火化。

按照傳統習俗，親友在正門外進行「過火盆」儀式，其後橫過馬路到對面的化寶爐焚燒祭品。

9月22日晚上約七時許，梅啟明與泰籍未婚妻May May到梅媽生前居住的銅鑼灣禮賢大廈門口進行路祭。

兩人先將梅媽的照片放在地上。

到梅媽生前居住的銅鑼灣禮賢大廈門口進行路祭。

放置好所有物品。

就開始燃點香燭及燒祭品。

兩人也不理途人目光，邊燒邊叫：「阿媽收嘢呀！」

梅啟明最初一路叫一路咳。

之後情緒激動的他更忍不住喊。

多次拿出紙巾抹眼淚和鼻涕。

May May從衣包中拿出鞋、帽及衣服等物件逐一放進火盆中。

梅啟明看着梅媽的照片失聲痛哭。

一臉悲傷。

又拿著紙巾彎身為照片清潔。

May May則在路祭完成後去買水，讓梅啟明淋熄火種。

之後兩人便收拾東西離開，整個過程大約維持了半小時。

潘小文澄清未有向梅啟明做出任何挑釁

潘小文亦稱必須要澄清一件事：「我唔係要對梅啟明先生做出任何嘅挑釁，但我見到佢頻頻就去將一啲梅覃美金嘅家事攞出嚟討論呢，我就覺得唔係幾恰當。梅覃美金女士同我都叫做有啲緣分，喺佢晚年嘅時候，成日有機會就同佢傾到好多偈，佢係成日都想有人陪佢，咁啱我又有啲時間我又可以，咪同佢傾下偈，就係咁樣接咗個緣。喺佢晚年嘅時候，我真係見證住呢個老人家，晚年嘅意思即係阿梅啟明先生冇喺佢身邊之後，佢真係變咗一個好可愛、好友善，好慈祥嘅長者。」至於梅啟明聲稱梅媽遺下逾千萬遺產，潘小文則說：「再講一次啊，如果根據阿梅啟明先生嘅計法呢，佢話阿梅媽有過千萬，係冇計錯數嘅，點解呢？因為佢晚年嘅時間，二十五萬一個月嘛，梅啟明先生嘅計算係啱㗎，但係問題係，呢個係要阿梅媽唔食，唔飲，唔睇醫生，唔出街，唔着衫，唔使交水電煤，總之所有嘢都唔使做嘅情況下，係有可能有呢個數，但係我哋都知道，阿梅媽晚年睇嘅醫生係好犀利。淨係醫院條數，睇醫生條數呢，都係一般常人能夠理解到，一個老人家去到一百零二歲喎，大佬，都要有返咁上下底氣，先至可以有呢個成績出嚟嘛。佢食嘅、着嘅、住嘅，用度都係最好嘅，有時做人嘅嘢一念天堂、一念地獄，回頭是岸喇，有啲說話唔係講吓就可以算。」