何雁詩首認與鄭俊弘關係生變 自爆夫婦平淡如水冇交拗：唔再激情丨獨家

何雁詩與鄭俊弘（Fred）於2020年結婚，育有一子鄭讚廷（Asher）。近來因為將4歲病兒移居溫哥華，夫妻倆需要分開做「太空人」輪流飛過去照顧，聚小離多，面對「七年之癢」難關，何雁詩接受《星島頭條》專訪時毫無保留，首度解開與Fred的婚姻真實面貌，坦承兩個人嘅關係確實已經變質：「我哋唔係特別激情！」夫妻關係變得平淡如水，連何雁詩新歌《悍馬》性感MV，Fred亦零回應。採訪：方騫平 攝影：羅安強

早前何雁詩罕談及當年的「小三風波」直言後悔，揚言「如果當初能夠提早、徹底地了解鄭俊弘當時真實的感情狀況，自己絕對不會選擇與對方交往」，加上近期兩公婆為患有「天使綜合症」的4歲兒子輪流做「太空人」，聚小離多，惹來婚變傳聞。

何雁詩首度解開與Fred的婚姻真實面貌。

何雁詩有子萬事足，已決定唔再追多個。

早前何雁詩罕談及當年的「小三風波」直言後悔。

何雁詩首認與鄭俊弘關係生變。

何雁詩與鄭俊弘再激情。

夫妻倆需要分開做「太空人」輪流飛過去照顧，聚小離多。

兩公婆面對婚後「七年之癢」難關。

夫妻心思及焦點已經完全投放在兒子身上。

兩公婆最重要都係小朋友。

大家交談話題都講BB。

家人心思及焦點全放兒子

​《星島頭條》被問到同Fred嘅夫妻甜密關係能否keep得住？何雁詩並冇正面回應，反而自爆現時兩人平淡到連交都冇得鬧，問到可會擔心難以再增進感情？她卻說：「我哋好多嘢都有共識，冇需要再去鬧交，係一個正常照顧小朋友嘅關係。」她直言雙方心思及焦點已經完全投放在兒子身上，激情早成過去：「我哋ok嘅，當要照顧小朋友時，大家全副心機放喺小朋友上。」她明白夫妻關係需要維繫，：「有時都會諗『忽略咗我哋嘅關係點好呢？』不過真係冇時間去理，對我哋嚟講最重要都係小朋友。」

當年兩公婆在鏡頭前常晒恩愛。

兩人2020年結婚，正面對「七年之癢」。

何雁詩新歌《悍馬》MV着得相當性感。

今年5月的北海道之旅，因為傭人姐姐簽證問題，一家三口難得同行。

何雁詩在採光極佳、空間感十足的豪宅客廳與好友開枱打麻雀。

何雁詩之前接受李凱賢(Brian)網台節目訪問時，自爆後悔捲入「小三」感情風波。

何雁詩與兒子在溫哥華的大草地上曬太陽，享受悠閒親子時光。

何雁詩與Fred近少甚少再放閃，今年5月兒子Asher 4歲生日時曾合體。

何雁詩推着坐嬰兒車的兒子，在加拿大在主題樂園前合影。

何雁詩與兒子一同體驗戶外軌道車，兩母子玩得非常投入。

兩公婆係一個好team。

鄭俊弘係一個好team

​何雁詩形容得有點曖昧，指兩夫婦演身合作夥伴：「我哋唔係特別激情，係一個好好嘅team，特別係照顧小朋友方面都好有默契，係相處舒服嘅家人，Asher喺我哋家庭係拉近家庭成員嘅一個人，大家交談話題都講BB，我個地位永遠排到最後。」

以《悍馬》回應網上抨擊

​除了婚姻狀況備受矚目，何雁詩過去捲入的「小三」感情風波及網上負評，多年來一直揮之不去。對此，她透過2026年第二首個人單曲《悍馬》作強硬回應：「呢首歌係我自己作曲和監製，填詞梁柏堅，呈現比較硬朗啲感覺嘅何雁詩，所以梁柏堅用軍用車形容我好貼切，因為喺娛樂圈做得幕前人，預咗會有好多人去談論你，所謂『食得鹹魚抵得渴』，就好似一輛用嚟打仗嘅戰車咁，唔怕經歷風波。」對於歌詞中一句「你再惹我反身擊殺如夜叉」，坦言若挑戰到她底線就不留情面：「網上嘢我反而好少好嬲，反而喺工作上被誤解『有錢女唔捱得』就最㷫，但解釋都嘥氣，不如用行動引證比說話更重要。」她覺得沒有一個人是百毒不侵的：「好幸運我身邊有好多人support我，Fred係其中一個，喺工作上佢會幫我，開解我。」她又指其實重提舊事已相當無趣，無必要再評論，現時把精力放在照顧兒子上才是兩人的最大責任。

何雁詩更為新歌MV挑戰黑絲配泳衣，性感爆燈，問到老公Fred有咩睇法？感情平淡如水的的何雁詩竟大爆：「我冇問佢，佢都冇畀feedback我。」