林淑敏告別《愛・回家》過「糊口生活」 撐新劇有新意需時間消化 懶理「雙面人」指控：做返自己

「大小姐」林淑敏今日（9月27日）出席禁毒活動。她接受訪問時，表示趁自己還有知名度，盡量用影響力宣揚禁毒意識。訪問中，她亦提到《愛・回家之開心速遞》大結局後，她的生活近況，另也回應了近日網上對她的攻擊的傳言。

林淑敏煲劇煲到好開心

近來工作可好？她回答：「唔忙嘅，哈哈哈，之前拍攝日程同而家對比係好清閑。（開心？）開心嘅，我做咗呢9年嚟冇乜點做嘅嘢，煲劇煲到好開心！」她坦言，平日無事就在家睇劇，更試過兩三日就睇完一套50多集的劇集。「可以多啲時間陪屋企人，以前約朋友食飯推三推四，而家就義不容辭，赴湯蹈火咁去，一日可以食三次，每次8個鐘。」

林淑敏練跑準備馬拉松

她坦言，生活過得相當滋潤，但說到收入，她就回答：「有享受好忙碌嘅生活，但係而家都要靜一靜，咁我又好開心有休息機會。收入係，糊口嘅。基本上開支應付到，以前就使錢機會少啲，而家過緊一個糊口嘅生活，哈哈哈。」她也透露，現正勤於練跑，迎戰之後的馬拉松賽事。她亦坦言，自己性格較被動，雖然想拍劇，但還是要等公司安排。

她坦言平日無事就在家睇劇。

她試過兩三日就睇完一套50多集的劇集。

她坦言生活過得相當滋潤。

她也透露，現正勤於練跑，迎戰之後的馬拉松賽事。

雖然想拍劇，但還是要等公司安排。

覺得新處境劇《愛・回家之三代同糖》如何？「大小姐」林淑敏也回答：「相當好。」

「大小姐」林淑敏今日（9月27日）出席禁毒活動。

同途人自拍，盡現親民一面。

《愛・回家》告一段落，林淑敏好想將嗰份美好留返喺套劇度。

林淑敏認藝術好主觀

覺得新處境劇《愛・回家之三代同糖》如何？「大小姐」林淑敏也回答：「相當好，其實sit-com真係好忙，演員又好，觀眾又好，係需要時間消化，團隊都好，大家都努力緊接受改變。一套9年幾嘅劇，突然間要觀眾轉口味係唔容易，我覺得真係有啲新嘢俾觀眾睇。（好多人話唔好睇）咁藝術好主觀嘅，唔好睇可能大聲講，好好睇可能細聲講。」

林淑敏想將美好留喺劇度

近日有傳言指林淑敏「雙面人」。她回應：「我覺得做返自己，鍾意笑就笑，唔笑就唔笑，同埋隨住《愛・回家》告一段落，我好想將嗰份美好留返喺套劇度。啲觀眾睇，純粹係因為鍾意套劇，而唔係好多是非。（會唔會唔開心？）講真，我繼續喺呢個江湖度做嘢（就有風雨），咁大家就知我做嘢係點，同埋我覺得做返自己，唔需要澄清自己係點。」