CY陳宗澤大方認做爸爸 自爆未婚妻Shimica懷男胎 計劃BB做花仔見證兩人婚禮

上月有報道指CY陳宗澤女友黃宇希 （Shimica）不慎將BB照超聲波相片放上網，之後有關帖文亦被刪除，而CY陳宗澤被問此事時亦未有正面回應。今日（26日）CY陳宗澤與陳苡臻到機場出席謝茜嘉主持的直播節目，問到是否準備做爸爸時，CY陳宗澤大方承認，對於Shimica當時刪帖，他解釋本來想一起宣佈、一齊開心，但因沒夾到所以刪走，至於兩人是否已結婚，他坦言與未婚妻有計劃想將來的小朋友見證兩人的婚禮：「我哋有時傾偈都會回顧返，其實都冇見過自己爹哋媽咪婚禮，同埋我同佢又係唔係一個好完整嘅家庭出生，所以我哋都好想俾返一個小朋友感受到完整家庭嘅温暖係點。」問到是否希望小朋友可以在婚禮上為他們擔任花仔或花女？他說：「諗住做花仔，（BB性別係仔？）係，不過我諗應該要等佢大個小小識行先。」

CY陳宗澤瘋狂準備BB用品

成為準爸爸的CY陳宗澤又指將為人父的心情好刺激，近月瘋狂地做資料蒐集，又要為BB準備很多不同的用品，例如BB床、BB車，早幾日才去買奶樽，總之所有事情都要預備，以防萬一，至於預產期方面，他只表示好快，之後再公布，因為想留給未婚妻空間，令她不會太緊張，又笑言她現在勁過正常人：「佢係一個好active嘅人，通常我會叫佢坐下、休息下，但佢覺得自己如果坐得太耐，佢會感覺到自己有少少頹，佢長期要感受到呢個音樂嘅氛圍同埋佢係活著嘅狀態，所以我都會帶佢周圍行下，散下心，同埋聽醫生講都話係行多啲對個BB好嘅，而佢亦都諗緊作首歌俾BB。」

今日（26日）CY陳宗澤與陳苡臻到機場出席謝茜嘉主持的直播節目。

跟粉絲玩執篋遊戲。

跟粉絲玩執篋遊戲。

問到是否準備做爸爸時，CY陳宗澤大方承認。

喜歡看F1的陳苡臻就指自己經常到不同國家看賽事。

於兩人是否已結婚，他坦言與未婚妻有計劃想將來的小朋友見證兩人的婚禮。

成為準爸爸的CY陳宗澤又指將為人父的心情好刺激。

陳苡臻也有分享到其他地方旅遊時經歷。

CY陳宗澤近月瘋狂地做資料蒐集，又要為BB準備很多不同的用品。

對於之前休息一年，CY陳宗澤表示公司十分支持。

至於未婚妻預產期方面，他只表示好快，之後再公布

CY陳宗澤獲公司支持休息一年

對於之前休息一年，他表示公司十分支持，更問他是否需要幫忙，提到他現在復出後就要積極搵奶粉錢？CY陳宗澤笑言是真的，因為預計之後會相當吃力：「睇下有冇啲咩廣告或sponsor可以搵我，奶粉又好搖籃又好，總之關於BB嘅嘢我完全Welcome，我想我同伴侶都可以去做。」

陳苡臻愛到不同國家看賽車

另外，節目中他與陳苡臻也有分享到其他地方旅遊時經歷及跟粉絲玩執篋遊戲，喜歡看F1的陳苡臻就指自己經常到不同國家看賽事，而CY陳宗澤則表示試過在泰國跌銀包，之後更連報失紙也跌埋，他指那次是自己首次在其他地方遺失證件，當時損失了幾千泰銖，幸而最後可用護照返港，算是有驚無險。