陳俞希愛上匹克球笑認年紀大唔行得　強尼爆：佢一星期打足5日好黐線 拍《毛國界》親赴東南亞做動物義工

「ViuTV一哥、一姐」強尼、陳俞希（Hailey）今日出席慈善匹克球比賽。訪問開始時，兩人就已經互笠高帽，稱對方為「前輩」，相當搞笑。

強尼稱陳俞希為「祖師爺」

講起打匹克球的經驗，強尼坦言是陳俞希帶他開始接觸，更稱對方為「祖師爺」。他說：「我第一次打係佢帶我打！第二次就係許廷鏗新碟發布，就喺呢度搞發布會，嗰次就係第一次買咗塊球拍嚟打。」記者笑言，陳俞希是強尼的「前輩」，強尼說：「師母！」又再問，誰是「師父」，陳俞希即回答：「陳安立！」表示陳安立是他們之中最先接觸匹克球的人。

「ViuTV一哥、一姐」強尼、陳俞希（Hailey）今日出席慈善匹克球比賽。

陳庭欣、許俊豪亦有份出席。

訪問開始時，兩人就已經互笠高帽，稱對方為「前輩」，相當搞笑。

為什麼接觸匹克球？陳俞希自言「年紀大」，不太能走動。

講起打匹克球的經驗，強尼坦言是陳俞希帶他開始接觸。

陳俞希表示，匹克球是她接觸的第一個用球拍的運動。

陳俞希直認打波係識到好多朋友，但唔係靚仔先去。

問到誰是「師父」，陳俞希即回答：「陳安立！」表示陳安立是他們之中最先接觸匹克球的人。

陳俞希讚強尼sell男人味

為什麼接觸匹克球？陳俞希自言「年紀大」，不太能走動。強尼又說：「你唔好喺我面前班門弄斧。」陳俞希續說：「我幫你講㗎！」強尼說：「你都啱用嘅！」陳俞希表示，匹克球是她接觸的第一個用球拍的運動。強尼更大爆陳俞希沉迷匹克球：「有一段時間，一個禮拜打4、5日，好勤力好黐線。」是不是因為有靚仔？陳俞希回答：「打波係識到好多朋友，但唔係靚仔先去，如果揀靚仔先去，就唔同佢哋打啦！」即是說強尼「唔靚仔」？陳俞希馬上「補飛」，回答：「唔係！係成熟穩重，係另一個level！sell男人味！」強尼一臉無奈，回答：「你話事啦。有乜所謂啫。我哋呢啲對任何輿論都冇壓力。」

陳俞希拍節目同義工同一待遇

另講到工作近況，陳俞希分享近日播出的節目《毛國界義工假期》，會到泰國，馬來西亞做動物義工，替海龜接生蛋、餵老虎、接觸紅毛猩猩、大象等等，而且食住安排與其他義工無異：「全部都要落手落腳做，連住都係住義工宿舍，6至8個人一間房，瞓上下格床，出汗出到涼都冇沖。」