樓下管理員「仲Close過親戚」 守護屋苑23載光榮退休港男不捨 網民細數保安催淚舉動：情同家人｜Juicy叮

一名港男近日感性自爆，守護屋苑 23 載的保安伯伯光榮退休令他相當不捨，直言樓下管理員「仲Close過親戚」。網民對此大有共鳴，細數身邊保安情同家人的催淚舉動。詳情見下圖及下文：

樓下管理員「仲Close過親戚」 守護屋苑23載光榮退休港男不捨 網民細數保安催淚舉動：情同家人逐張睇↓↓↓↓

樓下管理員「仲Close過親戚」 守護屋苑23載光榮退休港男不捨 網民細數保安催淚舉動：情同家人｜Juicy叮

樓主：中一起看著自己長大

樓主早前（19日）在社交平台 Threads發帖，透露伯伯由中一開始看著自己長大，更經常表示「好想快啲睇到我結婚」，可惜樓主自言「到而家都仲未有女朋友」 。

得悉伯伯退休，樓主坦言非常難過：「個心都好似揦住揦住咁，好唔捨得。個感覺，樓下管理員，好似仲 Close（親近）過親戚。」

他回憶細細個會考放榜時，很喜歡在大堂傾偈，當時伯伯「成日都安慰我，鼓勵我，真係好窩心㗎」。雖然對方退休，但樓主透露與對方合照時，伯伯表示「得閒會返嚟探下街坊」。

樓主帖文。Threads截圖

最熟悉嘅陌生人

有網民看後深表認同：「我老實講句隨時佢對你仲好過你啲親戚對你。」有人形容看卻是「最熟悉嘅陌生人」，因為日見夜見，「每日一兩句，會習慣咗就唔捨得」。

有網民搞笑提議樓主：「你係咪同我講一句啦留個電話，我結婚請你飲。」樓主則回應「可惜咁多年女都未有」。

亦有網民建議樓主提早交換聯絡方式，「就算佢事業上退休，你哋都可以 Keep（保持）住個 Relationship（關係）」。

網民大爆催淚舉動：教打領帶、派專屬利是

不少網民排隊細數大堂保安的種種催淚舉動，大讚彼此「情同家人」。

有網民回憶升中一時完全不懂得打領帶，大堂的伯伯看見後溫柔叫住他並親自幫忙，「跟住放學返嚟仲教我教到識為止」，甚至在新年時「畀返利是我」，令他至今仍非常感激。

也有網民分享，娘家入伙時看更姨姨剛剛返新工，姨姨一路「睇住我拍拖，結婚，生小朋友」，每次回家食飯，看更姨姨都會按定電梯門，陪小朋友傾偈。姨姨至今做了 20 多年，該網民直言「比親戚朋友見得仲多」。

另外，更有女網民分享在公司遇到一位非常體貼的看更叔叔。對方看見女網民經常抱著不同的「Kuromi」公仔，知道她鍾意。到了新年收工，叔叔更特意追出來，「畀咗封用 Kuromi 利是封嘅利是我」。可惜，叔叔早兩個月因身體不好而無做，而且「一路無講 ，Last day（最後上班日） 我哋先知道」，令她甜在心頭之餘亦十分懷念。

通宵更姨姨不辭而別 驚揭超悲傷內幕

不過，並非每一次的別離都能有說有笑。有網民分享了一段令人心酸的經歷。她透露以前有一位通宵更姨姨，不論自己多忙多累返到，「一推門佢都會關心我問我幾句」。

有次鬼節，她深夜11點多才回到樓下，姨姨關切地提醒：「阿妹，你又咁夜返屋企？今晚鬼節喎。」她隨口回應自己已經回到。怎料，有晚突然不見了姨姨，一整個星期都沒有出現，她向替更查詢，對方只冷淡回應：「無做喇。」

正當她疑惑姨姨為何會突然「不辭而別」時，後來才輾轉聽聞，原來該名獨居的姨姨竟然「喺屋企突然過咗身」。網民坦言聽到消息時極度傷感：「好似無咗個熟悉嘅朋友仔，每次返去都無人同我吹兩嘴咁。」

資料來源：yankit_ko＠Threads

相關閱讀：