葵涌華姐冰室外賣有鼠B｜老闆現身說法：好恐怖好誇張 但活生生真係好難

葵涌華星工業大廈一間冰室的外賣被指出現一隻活生生初生老鼠BB，令全城嘩然。《星島頭條》今日（7日）下午到涉事的「華姐冰室」了解，其老闆Mike直指事件誇張，希望可以聯絡食客了解事件，「真係好恐怖，但仲係活生生真係好難，唔揣測係咪畀人整蠱，我覺得個可能性唔係好大」。

現場所見，「華姐冰室」面積大約1000呎，大約有40個位。記者手持相關片段向老闆Mike求證，對方觀看片段時眉頭深鎖。他憶述今日有一名食客打電話到冰室落單，當時對方叫了一個常餐，並由水吧員工負責烹煮，之後再拿出樓面給員工包起。

對於外賣被指有老鼠BB，Mike百思不得其解，但不想猜測是否被人整蠱，「廚房方面，啲牛肉麵係新鮮整，啲牛肉都要煮熱，煮熱之後隻老鼠應該死咗，唔會仲郁得咁犀利咁生猛」。由於包裝外賣的樓面已經下班，他稍後會向對方了解事件。

老闆Mike直指事件誇張：「真係好恐怖，但仲係活生生真係好難」。

據了解，涉事外賣由水吧烹煮，之後交由樓面包裝。曾志恒攝

老闆Mike指冰室開業一年多，從未聽過有老鼠BB出現在外賣。曾志恒攝

老闆Mike指該食客打電話到冰室落單。曾志恒攝

涉事餐廳位於葵涌華星工業大廈。曾志恒攝

Mike指冰室開業大約一年多，從未聽過外賣出現老鼠或蟲的情況，但坦言冰室附近有生果舖，所以間中都會有老鼠出沒，故每個月都會大清潔消毒。他多次向記者表示，希望可以與食客取得聯絡了解事件，又指日後將會加密進行滅鼠及滅蟲等工作。

外賣內有活活生老鼠BB。網上截圖

外賣內有活活生老鼠BB。網上截圖

外賣內有活活生老鼠BB。網上截圖

外賣內有活活生老鼠BB。網上截圖

外賣內有活活生老鼠BB。網上截圖

事主出示外賣收據。網上截圖

該外賣內有老鼠BB。網上截圖

事主指已通知食環署到場將外賣檢走。