王菲晒巨鑽宣布嫁唱片公司太子爺 張子丰湖中央下跪求婚勁浪漫：妳是天派來的天使

2019港姐亞軍王菲與唱片公司太子爺兼歌手張子丰因拍《法言人》撻着，不過兩人一直未有公開認愛，張子丰只承認雙方正在了解中，王菲盛讚男方有才華。今日（5日）張子丰和王菲在無預警的情況下宣佈婚訊。王菲說：「我諗我呢世人應該唔會再遇到一個我咁愛而又咁愛我嘅人，當身邊所有人都同我講『呢個人真係好好』嘅時候，我想講『係啊我知啊！所以我揀啱咗啦！』往後人生，合作愉快。」

張子丰的求婚儀式相當有儀式感，當日落前的黃昏時分，張子丰在湖中央小船上向女友跪地求婚，場面極度浪漫，張子丰感性地表示王菲是「天派過嚟嘅天使」：「『餘生多多指教』呢啲老土嘢唔講喇，總之以後我哋兩個拍住上，一齊繼續進步、繼續成長；一齊去探索呢個世界、感受每一分每一秒，精精彩彩咁過埋餘下嘅人生。」

王菲和張子丰今日在無預警下宣布結婚，二人貼上求婚儀式的相片，相中所見，王菲坐在一艘擺有不少鮮花的小船，張子丰則手捧大束鮮紅玫瑰坐另一小船駛至，在湖中央跪地送上戒指求婚，湖畔更有親朋戚友幫忙拉起「MARRY ME」助威，結果王菲一句我願意，張子丰成功抱得美人歸，事後二人在IG貼上求婚照，王菲更大晒巨鑽。 王菲說：「Isaid Yes. 記得剛認識你嘅時候，我就話過你成日懶有儀式感，果然到求婚呢日，都繼續貫徹你嘅儀式感，但今次我鍾意。白羊座係一個超級三分鐘熱度嘅人（至少我係）但對住你每日都唔厭 ，想癡住攬住，每當有煩惱唔想理，就會萌生『想兩個人一齊逃離宇宙』嘅想法，所有嘢可以好簡單好平凡，好似只要兩個人一齊就乜都搞得掂，一齊放肆食一餐 一齊睇套好戲，就可以令我哋開心全日。好記得有次聚會我哋有個男性朋友攬住你搞笑地講『張子丰同我一齊啦！』然後你突然間好嚴肅地講『唔得喎！因為只有同王菲一齊嘅張子丰先係the best version 嘅張子丰！所以我冇可能離開佢！』個下，默默地好感動，我諗我呢世人應該唔會再遇到一個我咁愛而又咁愛我嘅人，當身邊所有人都同我講『呢個人真係好好』嘅時候，我想講『係啊我知啊！所以我揀啱咗啦！』往後人生，合作愉快。」

張子丰亦有撰長文分享感受：「張子丰：妳願意嫁給我嗎？王菲：我願意。曾經覺得人生好迷茫，但係妳嘅出現，令我知道原來生活係可以好開心、好幸福咁過。然後有一刻，我知道呢個就係我想一齊過一世嘅人。我覺得，一定係個天派咗個天使落嚟畀我。由最初好習慣自己一個人生活，到而家自己一個人瞓會有啲淆底、一個人起身又有啲唔慣。好享受每一次二人世界，每個Weekend搵地方玩、搵地方探索、搵戲睇，要一齊睇晒全世界嘅戲。以前成日有一個唔知屋企係邊嘅感覺，而家知道，邊度有妳有我，邊度就係屋企。『餘生多多指教』呢啲老土嘢唔講喇，總之以後我哋兩個拍住上，一齊繼續進步、繼續成長；一齊去探索呢個世界、感受每一分每一秒，精精彩彩咁過埋餘下嘅人生。」張子丰其後接受傳媒訪問，他表示今次求婚準備了一段時間，過程有點難，原來當日張子丰以拍攝為由，安排女友上船介紹，要扮成日常拍攝實在有點難，加上又擔心落雨兼打風，幸好天公造美，天色很好，結果順利完成。至於婚禮安排，張子丰坦言仍在計劃中：「其實我哋好Hea，慢慢傾邊度擺好，搞咩類型婚禮好，未係好急，要慢慢享受過程！」

 王菲與張子丰生日照洩蜜：

王菲是香港小姐出身。

王菲2019年參選港姐奪得亞軍兼最上鏡小姐。

王菲2019年參選港姐奪得亞軍兼最上鏡小姐。

王菲拍過不少綜藝節目。

王菲拍過不少綜藝節目。

王菲拍過不少綜藝節目。

王菲拍過不少綜藝節目。

王菲曾演出《法言人》。

王菲曾被外借拍《逐流時代》。

拍亞視劇《逐流時代》，有機會與黃德斌演對手戲。

曾與葉蒨文參演聲夢歌手姚焯菲的MV。

眼鏡娘Look演《白色強人II》。

與「風少」陳浚霆拍《愛回家》。

張子丰是唱片公司太子爺。

張子丰與林夏薇及林子超等熟稔。

張子丰亦有作為歌手推出歌曲。

家燕姐及尹光等前輩亦有為張子丰慶生。

張子丰生日，曾見另一位緋聞女友陳瀅。

張子丰生日，王菲老是常出現。

張子丰和王菲愛得低調。

張子丰和王菲拍拖是公開的秘密。

每年王菲生日安排了不少活動。

王菲生日很盡慶。

王菲生活寫意。

男友的視角？

張子丰為王菲慶祝。

王菲感覺甜蜜。

張子丰如男主人般站在壽星女身旁。

張子丰是唱片公司太子爺兼歌手。

張子丰開工，王菲亦有探班。

王菲因為名字與天后王菲同名而受到大眾關注。