古淖文10月澳門開騷 管弦樂團重塑經典金曲 預告生日月近距離互動升級
古淖文繼《Follow Me 巡迴音樂會》大獲成功後，宣布將於今年10月10日回歸出生地澳門，於「澳門百老匯」舉行全新主題、期間限定一場的《German Ku ＂A New Classic＂ Live 2026》音樂會。日前門票進行優先預售，反應極為熱烈，僅一個下午即告全數售罄！古淖文今次將會攜手與專業管弦樂團，以優雅高級的風格重塑多首經典西洋金曲，加上適逢十月生日月，屆時更會為一眾「古粉」（古淖文粉絲暱稱）準備特別互動，給大家一個有溫度的高質音樂會。
古淖文「New Classic」概念醞釀已久
以「New Classic」為題，古淖文坦言想做這個概念很久：「大家知道我一直好鍾意Nina Simone、Louisa Jesse、Bette Midler呢類經典金曲，但要唱好呢類型作品，真係要有一啲歲月嘅累積同練習。經歷過之前幾個演唱會嘅磨練，今次終於可以實現。」
古淖文舞台主打高級正裝風
配合主題，古淖文透露舞台視覺與造型風格主打高級兩個字。有別於以往鮮艷奪目的舞台服飾，音樂將會是重中之重，古淖文會與身後的管弦樂隊一同穿上正裝西裝打呔，純粹以音樂吸引觀眾。「好多經典歌曲需要原汁原味去演繹先好聽，但既然叫做『A New Classic』，點都要有一啲改編嘅Small Twist，希望將呢啲改編變成屬於我古淖文嘅特色版本。」
古淖文回歸出生地開Show感觸深
身為澳門人，古淖文對於能夠再次回到出生地開Show感到特別感慨。經歷過內地、香港及馬來西亞等地的巡迴演唱，他表示自己的心態與狀態都有所提升：「兩年前第一次喺澳門開Show，因為係自己出生嘅地方，所以意義非常重大。今次走過唔同地方再回到澳門百老匯舞台，大家現場嚟睇，就會睇到我嘅成長同轉變。」
古淖文預告生日月近距離接觸派福利
今次演唱會適逢是古淖文十月生日月，被問到現場會否有專屬「古粉」的特別環節？古淖文預告規模會比以往更大：「幾年前搵過地方同大家慶祝，今次場地更大，除咗可以在台上同大家互動外，更會有近距離接觸嘅機會，希望可以同大家開開心心共度呢個特別嘅日子。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
