麥德羅爆醫生前妻「食回頭草」 做單親爸獲初戀女友仗義湊仔 曾被舊愛劉麗萍揭出軌酗酒
80年代「香港舞王」麥德羅曾與Big Echo老闆娘劉麗萍（Apple姐）一齊多年，二人於兩年前分手。麥德羅近日接受翁靜晶YouTube頻道節目《危險人物》訪問，罕有大談過往婚姻與感情生活。麥德羅透露與內地女醫生前妻的短暫婚姻，更爆出前女友幫忙湊仔的故事。
麥德羅與西安女醫生一拍即合
麥德羅在訪問中坦言，自己一生中結過一次婚，當年與第一任女友分手後到內地遊玩，而在西安結識女醫生前妻：「第一個女朋友分開咗，咁就好傷心，跟住就…朋友帶我去大陸玩下，散下心啦，無喺香港喺度屈住屈住。跟住上到去，點知識到個醫生喎，女醫生。同佢…咦，大家又幾投契喎。」麥德羅與女醫生火速結婚，並誕下一子。
麥德羅與前妻因分隔異地，加上大家生活習慣不同，最終離婚收場：「聚少離多，變咗大家慢慢個感覺、生活唔同咗。佢又有時返去鄉下，習慣一個人，返返去大陸，跟住咪淡啊，冇囉。」麥德羅離婚後，將在內地出生的兒子帶返香港撫養。
麥德羅攜子返港家人拒照顧
麥德羅與醫生前妻已沒有聯絡，更爆出對方與前男友重修舊好。麥德羅原本打算將兒子交予家人照顧，卻遭細妹拒絕，最終在第一任女友幫助下照顧兒子。麥德羅透露前女友對其兒子視如己出，當時對自己表示：「你攞嚟啦，我同你湊啦，反正我都冇仔女。」又陪麥德羅開工出入。而麥德羅的兒子如今已經20多歲，正在台灣讀書。
昇華為一輩子的知己：朋友好過做情侶
翁靜晶對麥德羅前女友無私付出感到驚訝，追問二人是否愛火重燃：「咁好？你應該娶人先啱喎！」但麥德羅面對復合提議，支吾其詞：「冇喇，已經太耐喇，個感覺冇咗喇。（冇一齊住？）冇喇！」麥德羅還補充：「有時朋友仲好過女朋友，真係。」
麥德羅戀Apple姐多年終分手
麥德羅與前女友的感情瓜葛耐人尋味，而麥德羅離婚後曾與卡拉OK老闆娘Apple姐一齊多年，二人於2019年曾有結婚打算，但最終未有成事。Apple姐去年初現身時，透露與麥德羅已分手一年，談及分手原因，Apple 姐表示難忍對方多次出軌，以及有長期酗酒問題，決定斬纜分手。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
