新一代移加港人變寒酸？ 為慳錢老奉搵朋友幫手 港女斥華人自貶身價 惹網民反駁掀罵戰

【移加港人】移民後的生活適應與文化衝擊，一直是海外社群的熱議話題。近日一名移民加拿大的女子在社交平台發文，分享她對新一代移加港人的見解，聲稱發現部分人變得寒酸，更凡事依賴「朋友」幫忙以慳錢，並以雙重標準對待中西服務，感嘆此舉是「華人自貶身價」，帖文迅速引起網民罵戰。

不滿同鄉為慳錢「濫用友誼」

事緣有網民在Threads上發文抒發個人感受，她直指「新嚟嘅香港人好似好多都比較cheap？」，並表示留意到這班人凡事「可以搵朋友搞唔使錢就搵『朋友』搞」。她舉例，如搬屋或call車等需要付費的服務，有些人會選擇找「朋友」幫手，事後「請餐飯就算」，認為這是覺得「人哋嘅時間及專業唔值錢」。但相反，把自己的時間及專業看得「好值錢」。

斥度縮心態  質疑華人服務不值錢

事主進一步質疑，這種「度縮」心態是否源於海外生活艱難，令大家「慢慢形成個性格變到有陣寒酸、乜都要平、淨係攞着數」，抑或是「覺得華人嘅服務同專業唔值得收錢」。

她特別舉例說明這班移加港人的一種雙重標準，如「中餐要平，唔可以過$10」，但「西餐好願意俾$50」，即使食材相近。又例如，聘請外國人搬屋要花費$300也覺得合理，但如華人提供同樣服務卻認為「$100得啦」。事主對此現象感到不解，並質疑「咁樣叫唔叫自貶身價？」。

指壓價心理矛盾「剝削返自己人」

她續指，這種行為與他們期望在職場上不被壓價的心理形成矛盾，「呢班人又想喺西人公司返工，唔想俾華人壓價，覺得自己值多啲錢，但平時做嘅嘢就係壓榨返自己人」。她其後亦在留言澄清，帖文重點並非討論「是否應該幫朋友」，而是旨在探討那種「度縮心態至貶低華人價值嘅態度同行為」，並呼籲一眾移加港人「唔好自己帶頭剝削返自己人」。

帖文一出即引起廣泛熱議，網民反應兩極。不少人對事主的觀點表示認同，並分享親身經歷，指曾為朋友由朝到晚幫手搬屋，對方曾承諾「搞掂搵你上嚟坐，一齊打邊爐」，但事隔半年仍無下文，令人感到不是味兒。有留言亦指出，「幫人係人情，唔幫係道理」，當別人將善意當成責任時，事情便會變質；亦有網民提醒，求助者不應濫用友誼，「拜託唔好單純用『朋友』兩個字凌駕對方嘅專業」。

反駁者：守望相助是加拿大文化

然而，另一方亦有許多反對聲音。有網民認為事主「先係最計較嗰個」，並指出在加拿大，「守望相助係呢度嘅文化」，朋友之間互相幫忙十分普遍。有人認為這種心態並非港人獨有，而是全球現象，「叫得朋友『幫手』，就expect係用人情去抵償搵出面嘅cost」，並諷事主是「夾硬將一啲本來已經存在嘅文化差異，擴展到香港人寒酸度縮」。

至於「華人貶低自我價值」方面，有網民分析指，其實華人服務、勞動力，以至產品，在全球市場中都常以「廉價」作為競爭力，賣方願意低價搶客，久而久之，消費者亦將「華人服務」與「平價」掛鈎，形成了一個買賣雙方共同鞏固的局面。

資料來源︰Threads