車cam直擊｜深水灣女童衝出馬路 幸司機及時急煞 網民鬧爆：睇好小朋友唔係架架車收到

本港屢有幼童亂闖馬路釀成意外。網上流傳一段驚險的車Cam影片，記錄一輛白色私家車沿香島道慢駛，至深水灣泳灘公廁對開時，一名身穿白衫的女童突然衝出馬路，幸私家車及時煞車，否則後果堪虞。

片段顯示事發時間為今日（16日）上午10時53分，當時泳灘已有多人嬉戲曬太陽，路上亦有多車行駛。白色私家車及時急煞後，女童猶有餘悸慢慢退回行人路，其家長隨即衝上前拖緊女童。尾隨白色私家車的司機目擊整個過程，不斷發出嘩嘩聲，直斥：「個𡃁妹咁衝出嚟飆出馬路，呢啲真係要鬧呀！睇住佢衝出嚟呀！」

發帖的網民大讚白色私家車司機反應敏捷，「又一單父母冇睇住小朋友、小朋友直衝出馬路，好彩司機沿途揸車都好安全，救咗妹妹又救咗自己」。影片曝光後隨即引來大批網民留言，不少人驚魂未定，亦有人斥責家長未有好好看管女童，「司機功德無量」、「唔好害人呀，睇好小朋友，唔係架架車都收到」、「政府應該立法要任由細路或帶住佢衝馬路要告父母虐兒罪」、「好彩前車唔快」。

白色私家車沿香島道慢駛。fb「車camL」群組EdDiE TsAnG片段截圖

至深水灣泳灘公廁對開時，一名身穿白衫的女童突然衝出馬路。fb「車camL」群組EdDiE TsAnG片段截圖

至深水灣泳灘公廁對開時，一名身穿白衫的女童突然衝出馬路。fb「車camL」群組EdDiE TsAnG片段截圖

私家車及時煞車，未有撞及女童。fb「車camL」群組EdDiE TsAnG片段截圖

家長隨即衝上前拖緊女童。fb「車camL」群組EdDiE TsAnG片段截圖