姚焯菲為處女個唱搏盡推遲赴美求學 魔音女團炫耀長腿致敬「四朵金花」

無綫音樂節目《J Music》於今晚（15日）9點30分在翡翠台播出。環節《勁歌金榜》邀來「國民初戀」姚焯菲（Chantel），接受主持許文軒（Edmond）訪問，為今個月底於麥花臣場館舉行的個人演唱會《姚焯菲 Chantel 想飛 Live Concert 2026》宣傳。

姚焯菲冇諗過咁快開個唱

Chantel透露當初收到消息要開個唱第一反應是感到驚訝：「冇諗過咁快有自己個唱。」更坦言為了演唱會更改原定飛往美國讀書的機票：「覺得點都要做，機會嚟咗點都要搏盡。」Chantel為了首個個唱更親自投入參與：「我打咗兩版紙idea，做咗一個5年出道嘅回顧，我想話俾佢哋（粉絲）知道其實我嘅理想仲有好遠。」至於在演唱會訓練方面，Chantel透露跳舞環節必定有：「而家睇吓可唔可以跳多過一種舞風。」在節目中，Chantel亦會分享新歌《想飛之內心獨白》在美國取景拍攝MV難忘事。

Chantel有「國民初戀」之稱。

葉蒨文、羅毓儀、關嘉敏（圖）、梁敏巧合唱《女神配對計劃》主題曲《女神戀愛腦》。

羅毓儀唱《女神配對計劃》主題曲《女神戀愛腦》。

左起︰葉蒨文、梁敏巧、羅毓儀、關嘉敏好老友。

葉蒨文剪短咗頭髮仲索咗。

左起盧映彤、王汛文、宋宛穎、葉靖儀亮相音樂節目。

美腿~生輝~

可愛~

Chantel接受主持許文軒訪問。

宋宛穎扭動蛇腰

 今集「女團時代」環節，駐場的新晉女團「魔音女團」（MYNT）兩位成員宋宛穎（Sabrina）、盧映彤（Skylar）及兩位練習生葉靖儀（Michelle）、王汛文（Candice）演唱70年代紅極一時的女團四朵金花（沈殿霞、汪明荃、王愛明、張德蘭）歌曲《四朵金花》，並由余宗遙（DEZ）重新編曲及伴奏，全新風格令經典歌曲煥然一新。四位美少女齊齊大騷長腿上陣，甜美歌聲搭配扭動舞蹈動作，其中Skylar的「S形扭動」最為吸睛，畫面上極具衝擊感。

關嘉敏樂做「氣氛擔當」

四位「女神」葉蒨文（Sophie）、羅毓儀（Yuki）、關嘉敏（Carman）以及梁敏巧（Maggie）則合唱《女神配對計劃》主題曲《女神戀愛腦》，四人大晒甜美歌聲之餘又不時手牽手、搭膊頭、頭貼頭演唱，將深厚姊妹情表露無遺。而向來是「氣氛擔當」的Carman、Maggie，更攜手合唱《愛是》，即場唱Rap，二人無論在節奏感還是舞蹈動作上都展現出高默契度，帶給觀眾耳目一新的感覺。