宏福苑執拾｜住30樓婆婆上樓「腳震」女婿代勞 檢護照珍貴舊相笑開顏

大埔宏福苑宏新閣高層戶今日（22日）上樓執拾個人物品，家住30樓的梁婆婆自言年邁力不從心，「行到腳震」，遂交由女婿代為上樓。她一直在宏新閣樓下對開守候消息，直至收到女婿發來相片，眼見部分個人財物完好，包括特區護照、珍貴舊照和若干金飾等，登時笑逐顏開。

梁婆婆由女婿代為上樓執拾。蔡楚輝攝

梁婆婆展示相片，可見女婿尋獲其部分個人財物，包括護照和舊照等。

梁婆婆尋回部分個人財物，物品完好。

梁婆婆檢回部分物品笑開顏。

梁婆婆今年已80歲，她居於宏新閣30樓單位逾40年，對一場大火燒毀家園感到無奈，表示：「可惜都冇辦法，燒到乜都冇晒，見到好嘅嘢梗係執返走。」 惟梁婆婆自知上樓力有不逮，只能由女婿代勞，不諱言：「如果我後生梗係走返上去啦，行咗上去落唔到嚟！」

她又稱之前自己曾為上樓做準備，嘗試行樓梯，但「行到腳震呀，落到嚟腳震呀成個人，唔得呀」。她希望上樓取回部分衣服等，最終女婿上樓尋回特區護照、珍貴舊照和若干金飾等，令梁婆婆喜出望外。

梁婆婆展示女婿檢獲的部分物品。