【梁家權專欄】搵老襯的熟乃唔熟唔食

一如往年，排球隊周末傍晚在天水圍打完波，便拉大隊往流浮山吃團年飯，還記得去年只花十分鐘左右便去到正大街的酒家，今年竟然在流浮山道遇上大塞車，足足耗了逾半個鐘才抵達，而露天停車場早已爆滿，海鮮酒家林立的幾條內街，璀璨燈影與憧憧人影相互掩映，好不熱鬧……彷彿回到浮華盛世年代。

球隊中有人與流浮山海鮮檔相熟，最重要並非「唔熟唔食」搵老襯的熟，而是真的老相好，指點哪些是養殖，哪些真正抵食。識人好過識字，要明白是一分錢一分貨的硬道理，咪使旨意又平又抵，而且做生意的人最明白，唔講貴唔貴，是講值唔值。

既然如此，吃甚麼由熟人發辦：豉油皇大蝦、白灼蝴蝶蚌（見圖）、辣酒花螺、酥炸金蠔、蒜蓉蒸本地青龍蝦、西芹炒斑球與紅燒頭腩的大斑兩吃、陳皮蒸鮮鮑、鹽焗奄仔蟹，加炒一碟菜心。魚蝦蟹蜆貝配搭齊全，吃得大大滿足。

很喜歡吃少見的蜆螺貝類海產，吃過挖自蒲台島的鬼爪螺，也嘗過東坪洲鮑魚仔，中山細細粒的黃沙蜆，上海舖的辣炒田螺，但蝴蝶蚌平生卻只吃過幾次。今次買來的蝴蝶蚌頗大隻，蚌肉十分飽滿肥美，店家提議白灼，廚子拿捏熟度剛剛好，保持肉質軟腍，沒有加工調味，保持蚌肉的最大鮮甜度，若果蘸甜醬辣醬，肯定會壞了本來的鮮味。

至於本地青龍蝦，市面常見都是細細隻的貨色，今次交來的都大隻生猛的，開邊鋪上蒜蓉蒸之可也。雖說是少有的大隻，但正因頂級，蝦肉鮮甜又彈牙，一人半隻，實在不夠喉。

另一份量不足是幾惹味的金蠔，每人分不到兩隻。蠔豉是經多天在太陽下曬乾，質感較硬實，水分基本上都揮發淨盡，蠔味特別濃郁；而金蠔只是風乾數日的蠔肉，蠔身保持相當的濕和軟，依然帶有鮮蠔味。不過有老行尊透露，有人把蠔肉拖滾水，目的讓蠔肉定型，看起來脹卜卜較吸引，但拖過水才風乾的金蠔，蠔味流失，好睇唔好食！