獨家丨ToNick恆仔箍實小花海旁調情 酒店享受二人世界

首先恭喜ToNick主音趙善恆(恆仔),不久前憑《一秒拳王》電影主題曲《時間的初衷》拎到金像獎嘅「最佳原創電影歌曲獎」。日前嘅周六,恆仔同女友譚杏藍(小花)現身西貢,因為女方件衫同襪都係橙色,咁鬼掁眼自然望多兩眼,原來係佢哋,之前睇小花訪問,佢話兩人拍拖十年都有好多嘢講,記者跟住佢哋行咗一陣,果然冇吹水。採訪:金泰亨
 

恭喜恆仔。

小花之前接受電台訪問,透露自己因為欣賞恆仔才華所以力追,話咁快十年。兩人好享受拍拖未有結婚計劃,問到相處之道,小花就咁講:「首先互相尊重好緊要,到今時今日,我就算只係見一見佢都會有心動感覺。」

爽到爆炸Staycation
當日,一身橙嘅小花同令佢心動嘅恆仔現身西貢,兩人漫無目的喺海旁行街,雖然係情侶,但兩人冇拖手,突然間恆仔箍實小花條頸行咗一陣,見兩人得個行字,偶然望吓碼頭邊嘅海鮮船仔,行咗無耐就返轉頭行返入市中心。事後睇小花IG,終於明確知道兩人當日行程,兩人去咗食意粉做Lunch,跟住喺西貢市行街影吓貓,然後就去咗白沙灣嘅酒店Staycation,第二日又去游水同做SPA,做之前仲上咗酒店頂樓嘅酒吧歎香檳,節目好豐富。

恆仔同小花真係好好傾,不過可能太熱小花拉低咗口罩。

恆仔突然箍實小花,後者應該習慣男友玩失驚無神。

兩人沿途冇拖手,唔算親暱。

 

仲有影吓西貢貓仔。

小花都有影碼頭嘅海鮮艇仔。

兩人漫無目的喺海旁行。

撐枱腳食意粉,唔見樣但有心心Emoji嘅當然係恆仔。

去到酒店當然爭取時間游水。

做SPA前飲返杯先。

恆仔出PO話自己整親。

女友呵返之餘仲讚佢「紗布都遮蓋唔到佢嘅才氣」。

星島新聞集團慶回歸25周年專題網站,請即瀏覽

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

陳瀅躍升TVB一姐 傳為去巴黎時裝周朝聖棄拍新劇

香港小姐2022|邢慧敏先拔頭籌拎友誼小姐 大熱梁超怡唔怕打手影響選情

唐詩詠傳離巢後旅行終返港 顏值急升黑咗轉埋髮型好青春

《餐餐有宋家》演員近況|林偉靚仔樣崩壞現老態 前港姐張鳳妮嫁富商變闊太

都市網新聞