前港男冠軍黎振燁偷食朱智賢事業插水 獲太太原諒神隱4年終現身宣布復出
2016年港男冠軍黎振燁在2020年被爆背懷孕妻偷食朱智賢，當時二人被爆躲在車廂齊食蛋糕後，黎振燁再被指曾撇下太太而陪朱智賢睇醫生，出軌一事受全城關注，黎振燁被網民封世紀賤男，事業和形象直插谷底！神隱接近4年的黎振燁終於現身，原來他在太太的支持下，準備復出！
神隱接近4年的黎振燁終於現身：
黎振燁偷食事件被爆出後，隨即被TVB勒令休息，暫停所有演藝工作，原定參演的電視劇《拳王》及《七公主》亦被易角。朱智賢開記招解釋事件後，獲TVB原諒只判暫時停工未有解約，但黎振燁仍然未獲解凍，幸好得太太原諒，專心留家照顧老婆和兒子。在幕前消失4年的黎振燁終於現身接受傳媒訪問，黎振燁稱當日事件後，除了與BB去健康院外，其他時間都不敢見人，試過整整8個月未有出外，連電話、新聞也不敢看，整個人的情緒處於非常敏感、不穩的狀態，也十分不知所措，所以避得就避：「喺嗰個狀態其實好嬲囉，好嬲我自己，其實你發生得就預咗俾人指指點點，但係我覺得我真係未係好準備好同人哋傾返偈，或者未準備好同人接觸。」
黎振燁在這段日子主力湊B，靠積蓄過活，表示幸留在家可慳錢，而且本身也不大使，不過始終照顧BB的生活開支也頗大：「我冇得食唔緊要，要畀小朋友食。」談到與太太的關係，黎振燁說：「我覺同太太一路都唔係話要講到用修補嚟形容咁誇張，反而其實喺事情發生咗之後，佢一路好擔心我嘅狀態，呢個係真。」他又稱當日向太太自首，對方第一反應是錯愕，但更多的是替他感到可惜：「其實佢喺嗰個時間係好緊張我嘅感受。」經此事後，黎振燁更加珍惜家庭，夫妻感情更堅定，並指太太內心的強大難有語言能形容。
朱智賢約滿離開TVB近況：
不經不覺黎振燁的兒子已經4歲，黎振燁為孩子決心不逃避，一方面在孩子懂事或知道這件事之前，一定會先告訴他們，希望兒子可以以此為鑒，領悟到做錯事要承擔後果，另一方面在太太的支持下決定復出重投演藝工作，當日因犯錯而失去演藝前途，太太覺得十分可惜。而他確實曾想過轉行：「我要收埋自己好容易，我要避開所有嘢其實真係好容易，有幾難？但係我要面對或者我要企返起身，係好難，但係為咗小朋友我都會試。」
黎振燁亦透露這幾年與TVB高層「珍姐」曾勵珍見過幾次面，而對方亦很關心他，甚至幫忙爭取工作機會，而黎振燁自愧辜負對方的睇好，每次見到珍姐都向她道歉，珍姐當然有鬧過他。除了珍姐外，總經理曾志偉都曾經幫手想將合約處理好，惜最終都冇結果，到了月前才有正式答覆，總算讓他放下心頭大石。黎振燁表示如果重出演藝界，不介意從頭由低由做起，甚至可做幕後，如有機會演出，會一如以往般花盡心思鑽研角色。
其他文章：
【偷食人夫】《東張》爆喊認唔專業兼後悔 朱智賢： 我抽離唔到個角色
------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
