独家丨ToNick恒仔箍实小花海旁调情 酒店享受二人世界

首先恭喜ToNick主音赵善恒（恒仔），不久前凭《一秒拳王》电影主题曲《时间的初衷》拎到金像奖嘅“最佳原创电影歌曲奖”。日前嘅周六，恒仔同女友谭杏蓝(小花)现身西贡，因为女方件衫同袜都系橙色，咁鬼掁眼自然望多两眼，原来系佢哋，之前睇小花访问，佢话两人拍拖十年都有好多嘢讲，记者跟住佢哋行咗一阵，果然冇吹水。采访:金泰亨
 

恭喜恒仔。

小花之前接受电台访问，透露自己因为欣赏恒仔才华所以力追，话咁快十年。两人好享受拍拖未有结婚计划，问到相处之道，小花就咁讲:“首先互相尊重好紧要，到今时今日，我就算只系见一见佢都会有心动感觉。”

爽到爆炸Staycation
当日，一身橙嘅小花同令佢心动嘅恒仔现身西贡，两人漫无目的喺海旁行街，虽然系情侣，但两人冇拖手，突然间恒仔箍实小花条颈行咗一阵，见两人得个行字，偶然望吓码头边嘅海鲜船仔，行咗无耐就返转头行返入市中心。事后睇小花IG，终于明确知道两人当日行程，两人去咗食意粉做Lunch，跟住喺西贡市行街影吓猫，然后就去咗白沙湾嘅酒店Staycation，第二日又去游水同做SPA，做之前仲上咗酒店顶楼嘅酒吧叹香槟，节目好丰富。

恒仔同小花真系好好倾，不过可能太热小花拉低咗口罩。

恒仔突然箍实小花，后者应该习惯男友玩失惊无神。

两人沿途冇拖手，唔算亲暱。

 

仲有影吓西贡猫仔。

小花都有影码头嘅海鲜艇仔。

两人漫无目的喺海旁行。

撑枱脚食意粉，唔见样但有心心Emoji嘅当然系恒仔。

去到酒店当然争取时间游水。

做SPA前饮返杯先。

恒仔出PO话自己整亲。

女友呵返之余仲赞佢“纱布都遮盖唔到佢嘅才气”。

星岛新闻集团庆回归25周年专题网站，请即浏览

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。