星8卦｜「乖乖」大紅搵錢 「長輩」同經理人嘈分錢出糧自己使

「乖乖」其實真係一個天生舞台表演者，可以話係近10年比較少見。有名大家叫，佢確實係幾乖同好生性。不過唔知係咪每個屋企都有人生性就有人唔生性，而且仲係長輩?。「乖乖」嗰位「長輩」都好親，但份人比較浮躁同貪心，自從「乖乖」開始搵錢之後，佢直情唔再做嘢，跟出跟入非常討人厭。

話說當日突圍而出，「長輩」完全控制唔到咁喺大家面前高叫今次發達喇。側邊啲人見到，即刻戥「乖乖」淒涼，又係另一棵搖錢樹，好似當年「阿姐」咁，全家人淨係喺佢身上攞錢，搞到佢成日好抑鬱。

「乖乖」 而家都搵到一兩層樓，經理人梗係心水清，唔敢亂出糧，「乖乖」就好慘，日日做夾心人。「長輩」好唔客氣日日追錢，覺得經理人係債主，欠自己好多錢，但呢啲例子，喺娛樂圈見慣不怪，經理人想「乖乖」留番個錢喺身邊，亦不時提佢唔好亂信人，因為搵錢機會唔係一定有。可惜「乖乖」自細睇開「長輩」面色，唔敢逆佢意，最終有三分二嘅錢都落咗「長輩」手中，「乖乖」呢幾年可以話係白做，經理人都無辦法，唯有盡量幫佢留啲喺身邊，將來幫到「乖乖」生活啦！

 

相關文章：

星8卦｜「疊疊」嫁錯老公 搵到金主即離婚自救

星8卦｜「笑笑」「樂樂」為爭仔出高價搞到反面 「俊俊」吊高賣怕得罪人

星8卦｜「標緻」迫「阿叔」攞名份失敗 轉溝「西哥」玩激將法

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。