頭條獨家丨譚詠麟落閘兒子繼承衣鉢 出新碟要唱到80歲

「樂壇校長」譚詠麟相隔4年,推出全新專輯《傾.聽》,將自己喜歡嘅8首流行歌曲,重新演繹為廣東歌。71歲嘅阿倫出道超過40年,但對音樂熱誠不變,揚言最快喺80歲後才諗退休問題,他唯一肯定,會好好為26歲兒子譚曉風把關,唔會畀佢繼承衣缽,他認真說:「做藝人壓力太大,好辛苦,?家我最緊要係開心及享受過程。」 採訪:方騫平 攝影:沈健程 化妝:Eva Chuk @ Faces make up studio 髮型:Silkcut salon PERNY tang

譚詠麟出道超過40年,但對音樂熱誠不變。

譚詠麟對唱歌保持熱誠,講新歌講到滔滔不絕。

譚詠麟體會到做藝人壓力太大,好辛苦。

譚詠麟全新專輯《傾.聽》,阿倫重新演繹咗汪峰、克麗絲叮、李健、六哲、江蕙、周杰倫和費玉清嘅作品,他尤其推介《水中傳奇》:「呢首歌係將我嘅《水中花》同李健嘅《傳奇》結合埋一齊,無論音樂結構及唱法上都好一體,效果想唔到咁好,李健仲唔收錢送咗版權畀我。」

全新專輯《傾.聽》,將阿倫喜歡嘅8首流行歌曲,重新演繹為廣東歌。

明年在港開個唱

這張唱片由經理人張國忠策劃,「其實我乜歌都唱過晒啦!國忠就認為『一隻好嘅歌只要去到你嘅手,就變成一隻係你嘅歌。』咁我何樂而不為?而且我冇銷量壓力,反而係攞版權最難。」除咗出新碟,阿倫更打算明年喺香港舉行個唱。

早前阿倫全情投入為新歌《等你不等你》拍MV。

阿倫最後一次香港單飛個唱喺7年前,當時同表演嘉賓郭富城台上又唱又跳。

5年前孖住Sam喺紅館舉行過《Happy Together演唱會》,大受歡迎。

40年前已「上咗岸」

對於面對近年一啲反對聲音及評價,阿倫心態正面,冇諗過為此而退休,「總之唔好理啦,鍾意點樣就點樣,人都過咗咁多年咯,睇到成個社會及世界係咁,與其係改唔到,何不自選一個開心角度,咁每一日都係賺嘅。」他輕鬆笑道:「好多人同我講:『你呢個年紀要享受生活,上岸啦……』上岸?唔係誇張呀,其實我40年前都已上咗岸啦!哈……因為我要求低呀,咁多年嚟我都係鍾意返40年前嘅嘢,着住波鞋踢波吹水、食大排檔、篤魚蛋、食臭豆腐,我又唔係追求大魚大肉,榮華富貴……」阿倫堅持keep住25歲心態,因為承諾過歌迷要唱到80歲後。

阿倫堅持做人最緊要開心,連影相都搞笑過人。

阿倫最愛踢波,多年來嗜好不變。

阿倫有得食就開心。

阿倫入行超過40年,獲一班忠粉力撐。

7年前譚詠麟於港台《十大中文金曲頒獎禮》上,獲「名人堂」榮譽獎金手印。

阿倫及張國榮喺80年代紅遍亞洲歌壇,受歡迎程度叮噹馬頭。

遺憾未圓導演夢

阿倫又自爆,?家最遺憾係未能圓夢做導演:「1986年主演嘅音樂電影《歌者戀歌》,我有份度橋㗎!而且更早度出韓劇《來自星星的你》嘅橋段,講外星人及械劫案嘅故事,不過嗰陣時忙走埠就擱置咗。」

1986年主演嘅音樂電影《歌者戀歌》,阿倫有份度橋。

至於兒子,阿倫一定唔會俾佢做歌星:「佢唱得跳得,環球唱片高層Duncan成日打佢主意,但我同佢守住幫佢擋,做藝人咁辛苦,我唔贊成,加上好難出到一個頂級藝人,而且佢讀咁多書,有自己個世界,佢都唔鍾意入行。」

26歲譚曉風係學霸,仲跳級升班,阿倫以兒子為榮。

阿倫喺年青歌手中,特別睇好炎明熹(Gigi)及曾比特(Mike),但好言提示Gigi要注意學業嘅重要性,因為學識係跟一世嘅;他又擔心曾比特只局限於爆炸頭形象。

譚校長有留意《聲夢傳奇》,仲大讚炎明熹唱得好。

阿倫讚Mike有才華,笑言最驚佢個爆炸頭會惹蟻。

星島新聞集團慶回歸25周年專題網站,請即瀏覽

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

郭奕芯淫邪形象男友稱不介意 合組公司兼已見雙方家長

《非常律師禹英禑》收視回升 姜其永患癌情節觀眾嫌俗套

韓韶禧IG連日上載詭異畫作 Fans擔心精神狀況網民憂被逼性接待

Coffee爆Seed鬧仔暑假來臨感苦惱 自誇Top Sales口才了得

都市網新聞