头条独家丨谭咏麟落闸儿子继承衣钵 出新碟要唱到80岁

“乐坛校长”谭咏麟相隔4年,推出全新专辑《倾.听》,将自己喜欢嘅8首流行歌曲,重新演绎为广东歌。71岁嘅阿伦出道超过40年,但对音乐热诚不变,扬言最快喺80岁后才谂退休问题,他唯一肯定,会好好为26岁儿子谭晓风把关,唔会畀佢继承衣钵,他认真说:“做艺人压力太大,好辛苦,?家我最紧要系开心及享受过程。” 采访:方骞平 摄影:沈健程 化妆:Eva Chuk @ Faces make up studio 发型:Silkcut salon PERNY tang

谭咏麟出道超过40年,但对音乐热诚不变。

谭咏麟对唱歌保持热诚,讲新歌讲到滔滔不绝。

谭咏麟体会到做艺人压力太大,好辛苦。

谭咏麟全新专辑《倾.听》,阿伦重新演绎咗汪峰、克丽丝叮、李健、六哲、江蕙、周杰伦和费玉清嘅作品,他尤其推介《水中传奇》:“呢首歌系将我嘅《水中花》同李健嘅《传奇》结合埋一齐,无论音乐结构及唱法上都好一体,效果想唔到咁好,李健仲唔收钱送咗版权畀我。”

全新专辑《倾.听》,将阿伦喜欢嘅8首流行歌曲,重新演绎为广东歌。

明年在港开个唱

这张唱片由经理人张国忠策划,“其实我乜歌都唱过晒啦!国忠就认为‘一只好嘅歌只要去到你嘅手,就变成一只系你嘅歌。’咁我何乐而不为?而且我冇销量压力,反而系攞版权最难。”除咗出新碟,阿伦更打算明年喺香港举行个唱。

早前阿伦全情投入为新歌《等你不等你》拍MV。

阿伦最后一次香港单飞个唱喺7年前,当时同表演嘉宾郭富城台上又唱又跳。

5年前孖住Sam喺红馆举行过《Happy Together演唱会》,大受欢迎。

40年前已“上咗岸”

对于面对近年一啲反对声音及评价,阿伦心态正面,冇谂过为此而退休,“总之唔好理啦,钟意点样就点样,人都过咗咁多年咯,睇到成个社会及世界系咁,与其系改唔到,何不自选一个开心角度,咁每一日都系赚嘅。”他轻松笑道:“好多人同我讲:‘你呢个年纪要享受生活,上岸啦……’上岸?唔系夸张呀,其实我40年前都已上咗岸啦!哈……因为我要求低呀,咁多年嚟我都系钟意返40年前嘅嘢,着住波鞋踢波吹水、食大排档、笃鱼蛋、食臭豆腐,我又唔系追求大鱼大肉,荣华富贵……”阿伦坚持keep住25岁心态,因为承诺过歌迷要唱到80岁后。

阿伦坚持做人最紧要开心,连影相都搞笑过人。

阿伦最爱踢波,多年来嗜好不变。

阿伦有得食就开心。

阿伦入行超过40年,获一班忠粉力撑。

7年前谭咏麟于港台《十大中文金曲颁奖礼》上,获“名人堂”荣誉奖金手印。

阿伦及张国荣喺80年代红遍亚洲歌坛,受欢迎程度叮当马头。

遗憾未圆导演梦

阿伦又自爆,?家最遗憾系未能圆梦做导演:“1986年主演嘅音乐电影《歌者恋歌》,我有份度桥㗎!而且更早度出韩剧《来自星星的你》嘅桥段,讲外星人及械劫案嘅故事,不过𠮶阵时忙走埠就搁置咗。”

1986年主演嘅音乐电影《歌者恋歌》,阿伦有份度桥。

至于儿子,阿伦一定唔会俾佢做歌星:“佢唱得跳得,环球唱片高层Duncan成日打佢主意,但我同佢守住帮佢挡,做艺人咁辛苦,我唔赞成,加上好难出到一个顶级艺人,而且佢读咁多书,有自己个世界,佢都唔钟意入行。”

26岁谭晓风系学霸,仲跳级升班,阿伦以儿子为荣。

阿伦喺年青歌手中,特别睇好炎明熹(Gigi)及曾比特(Mike),但好言提示Gigi要注意学业嘅重要性,因为学识系跟一世嘅;他又担心曾比特只局限于爆炸头形象。

谭校长有留意《声梦传奇》,仲大赞炎明熹唱得好。

阿伦赞Mike有才华,笑言最惊佢个爆炸头会惹蚁。

星岛新闻集团庆回归25周年专题网站,请即浏览

点击以下6大平台 接收加拿大新闻及生活资讯
加拿大星岛WhatsApp报料热线:(437)428-9394

下载“星岛新闻(加拿大版)”App,随时看到最新最快新闻:
iPhone:https://apple.co/2IBi812
Android:https://bit.ly/2Pe8anu

订阅加拿大星岛网电邮快讯,每天可收到最快新闻资讯电邮: https://www.singtao.ca/subscribe/singtao.php

>>>订阅CCUE YouTube 频道,查看更多吃喝玩乐、生活资讯影片。
share to wechat

延伸阅读

share to wechat

延伸阅读

中年好声音2 红白大战丨支喾仪称呼古淖文做“巨星” 刘威煌谭辉智周吉佩玩跳唱

“混得最惨港姐”挑战欣宜名作 网民狂轰走音大舌头 玩抖音曾被闹吃相难看

76岁秦煌跌倒后最新状况曝光!林伟揭声线精神 日内将转介院至康服中心

黄心颖老公泥鯭融入家中!与一黄家成员揽头揽颈 黄母丧夫缺席派对?

都市网新闻