黃澤鋒望3歲「小黃妃」讀K1前戒片 雨僑不設房計劃生B湊成好字

過去兩年多,大家要居家避疫,小朋友不能外出「放電」,苦了家長,疫情放緩,陸續恢復各類型社交活動。雨僑、黃婉曼(Icy)、張嘉兒、黃澤鋒、岑潔儀(Zoey)、陳爽、Annie G.、DaDa及老公趙勁皓等,即急不及待帶着子女到九龍灣出席「Peppa Pig玩樂日互動特展」,一連兩日的星級優先試玩,大人小孩均樂而忘返。

 

黃澤鋒童心未泯,陪着女兒玩不同遊戲。

羅力威同雨僑陪囡囡玩滑梯,個樣好緊張。

鄺文珣同囡囡。

 

黃澤鋒的囡囡「小黃妃」黃熙恩下月便3歲,她甫進佈置靚靚會場即雀躍又興奮,嚷着要坐小火車「出遊」,經過時更不停向欄外的爸媽揮手,由於未有其他小朋友排隊,小黃妃不捨得下車,玩完又玩。黃澤鋒父女雖年齡相差52年,但爸爸也童心未泯,陪着女兒玩波波池,小黃妃將入讀K1,黃澤鋒說:「之前疫情,佢差不多冇上過N班,可能佢唔怕醜,我唔擔心佢返學會喊。呢排就要同佢戒片同教吓佢多啲英文。」黃熙恩學習能力很強,見到地上的跳飛機,即懂得一邊唸英文數字,一邊跟着跳。自問是「貓爸」的黃澤鋒很包容女兒:「只要唔危險同冇禮貌,我都畀佢自由放縱發展。」

雨僑和羅力威的女兒囡囡Harper會在8月返N班,雨僑升呢媽咪後,一直親力親為照顧女兒,小朋友比較黐身,所以她擔心Harper返學不接受要跟父母短暫分離:「playgroup老師有教我,試吓搵個囡囡冇咁黐嘅人陪佢返學,我咪叫爸爸湊佢去,點知返咗兩堂,囡囡唔肯上堂,結果要我自己湊番。」看着女兒長大,雨僑又心思思想再生B,已開始不設防,希望盡快湊個好字。而靚媽Icy、Zoey和陳爽疫前常見面,但過去半年都沒見,當日相約帶着子女來玩,星媽們見面即雞啄唔斷。

 

張嘉兒下月初會帶女兒返加拿大探親,所以趁有空陪佢哋嚟試玩。

趙勁皓和DaDa陪女兒玩滑梯。

 

前o靚模Annie G.同DaDa Lo都已婚生小朋友。

星媽黃婉曼、岑潔儀和陳爽相約帶小朋友來「放電」。

黃婉曼同囡囡。

余曉彤都有帶埋囡囡一齊去玩。

 

星島新聞集團慶回歸25周年專題網站,請即瀏覽   

 

【看星島*知天下】請立即下載「星島新聞(加拿大版)」App:
iPhone:https://apple.co/2IBi812
Android:https://bit.ly/2Pe8anu
share to wechat

延伸閱讀

share to wechat

延伸閱讀

聲夢傳奇2丨XiX多謝曾志偉睇好 透露下輪比賽繼續跳唱

聲夢傳奇2丨趙紫諾聲帶發炎情況好轉 表演驚失準有壓力

港姐2022丨3號陳瑞菱接受疤痕是身體一部分 14號梁超怡手腕紋身有紀念價值

湯告魯斯《壯志凌雲2》走勢勁 踢走《鐵達尼號》成北美史最高票房第7位

都市網新聞