原來視咁的丨冼靖峰感恩首次拍劇有名師指導 鄭則士演足50年堅守一原則永不遲到

由王偉仁監製、林麗媚擔任編審的《神耆小子》，由5月6日起逢周一至五晚9點半翡翠台播映，主要演員包括鄭則士（Kent哥）、冼靖峰（Archie）、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。兩屆金像影帝得主鄭則士，今次要夥拍劇集界新丁冼靖峰攜手演出，到底又會擦出怎樣的火花？

Kent哥這個錢大海角色不單止有霸氣，仲好霸道。

 

曹永廉飾演Kent哥仔仔，表面言聽計從，實則陽奉陰違。

 

蕭正楠與Archie飾演父子，Kent哥遭綁架後遇見偶爾路過的Archie，並威逼Archie收留他。

 

蕭正楠同Kent哥在劇中有陳年血海深仇。

 

早於1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥角色的霸道，Simon專誠為其設計了「老虎狗」Image，並大讚認識了近30年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

Archie大讚Kent哥好暖心，經常分享人生經驗。

 

Archie以新人來說，演繹好自然，值得期待。

 

Kent哥在劇中被蕭正楠撕破底衫。

 

細數3大暖心行徑
另一亮點是演戲演足50年的Kent哥與劇壇新丁Archie一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如。Archie受訪時細數Kent哥3大暖心行徑，首先是教講對白加揣摩角色，然後是近乎24小時貼身指導及慰問，第3點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解返場戲點解要咁做；每日拍完一齊食飯，佢又會講返我聽佢嘅相關經驗、同我點樣可以去更好咁裝備自己。」Archie續說：「佢連off cam之後返到屋企，都會再text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會用佢嘅人生經驗教我點去看待自己嘅事業。拍完套劇我就去咗拍《亞洲超星團》，他差不多每兩、三日就同我講加油，問我咩狀況、有冇咩困難？呢啲前輩邊度搵？」

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。