Tag: 曾智華專欄
【曾智華專欄】咁玩法，問你點頂？
身邊不少朋友，對內地一切，一貫堅持「另眼相看」，絕不肯回去，連有關內地的消息，也一概唔睇。這乃個人取向，無謂勉強。小弟雖然尊重老友的自由選擇，但卻不會如此，因世界不停變變變，我絕對有極強求知欲去睇睇睇。
【曾智華專欄】久違了的心頭震一震
現實生活中，男孩子哪有機會經常遇到心頭震一震的女性？但電影中就不時會有。當然，這完全不真實，銀幕上的，只是一位經攝影、化妝、美指……包裝出來的「女神」。但冇問題，男影迷享受的，只是一個夢幻「產品」。
【曾智華專欄】報名啦，有錢派呀
係咪都幾多錢？睇落係，但肯定在一眾馬主及練馬師眼中，唔係！所以，12月2日截止報名時，半匹海外馬都冇，食光蛋。好嘞，咁本地馬又如何？慘慘豬，那場一千米洋紫荊短途錦標，只得四大隻報名！吓？如今跑第六都有獎金噃，點解冷落成咁？這就證實，呢個世界真係有人嫌錢腥㗎。
【曾智華專欄】冇錢畀？唔拗！
此君打案非常犀利，經常可以令被告甩身，所用方法千奇百怪，其中一種為查吓個官的升遷與放假安排。即係乜？即係假若個官已被通知升職或調職，通常之前會放一段大假，所以，會一百個不願意因一單案而影響佢整個旅遊大計。
【曾智華專欄】有口話人，冇口話自己
今日講呢啲，點解？因眾所周知，香港如今陷入嚴重財赤，故此任何公權人物（各式高官、公職機構及資助機構頭頭、各級議員……）理應全部身先士卒，做個模範，為阿公慳錢，更要非常高調話畀市民知，佢哋不單同舟共濟，更是先天下之憂而憂。
【曾智華專欄】教宗選戰Vs.馬會選戰
馬會又如何？主席及董事由遴選委員投票選出，而遴選委員，若冇馬會董事局批准，哈，話知你會飛都無法入局。因馬會由零開始是一個密封的權力架構，無論你點講點睇點批評，都不能動搖其「精英結構」，非常之堅實。
【曾智華專欄】樞機主教只是普通人
一面睇《教宗選戰》，一面會心微笑，因為印證了多年傳媒生涯中，見盡的不同「道貌岸然」者的真面目。這些「道貌岸然」者，可以是頂級高官、行政會議成員、各類議員、大狀、醫生、各式專家、大明星、集團CEO、巨富……甚至為人師表的教師。
【曾智華專欄】「去」與「不去」的表演
上周日賽馬好好睇，不是因為小弟再符碌貼中「精算暴雪」，而是睇該日「騎師王」變化及第十場蔡神仙部署，安排「氣勢」變「冇氣勢」及「精算暴雪」突變「馬王」級的工於心計。
【曾智華專欄】《誤判》中的演員
《誤判》演員特多，咁有冇邊個可以攞獎呢？答案係冇。勉強的話，許冠文可提名「最佳男配角」，但佢在此片水平，比較《破．地獄》仍差少少。不過，扮演法官，亦莊亦諧，有看頭。
【曾智華專欄】《誤判》收三至四千萬元
最近朋友聚頭，頗喜歡談論電影，點解？因今年大片一套接一套，不過，投資巨大的電影並不等於收得，一切還看質素，例如謝霆鋒孭晒飛的重本之作《海關戰線》，一睇就知唔慌收得。
【曾智華專欄】77歲神奇女俠
珮珮姨今年七十七歲，身體健康，優雅大方，談吐溫文，肯定出身大家閨秀。外形睇，佢一切正正常常，但奇在每次午餐及晚餐前，就會失蹤十分鐘。當人人入晒席，差不多上頭盤時，佢才悠悠閒閒地出現坐低，這就引起小弟好奇心。某次齊齊行去睇景點時，剛要搵話題，就問吓佢：「珮珮姨，點解次次飯餐前就唔見咗你，咁奇嘅呢？去咗邊呀？」
【曾智華專欄】佢真係病？
點解熱烈討論？因……冇乜人信潘頓真係「病」囉。事實，佢周一早上仍嘭嘭聲龍精虎猛試閘，跟手就話感冒告假，周三唔跑。周三跑泥地，冇大賽，獎金奀豬，呢位「富豪」高手選當日「病」，唔出奇，對老潘來講，損失的獎金濕濕碎也。
【曾智華專欄】你小便，我賺錢
但有腦又有力的，總會看到處處商機，包括如今香港「死氣沉沉」的飲食業。事實業內仍有不少朝氣勃勃的經營者，開完一間又一間，部分受歡迎食肆更好難訂位或要排隊。點解會咁？當然不是符碌靠運。
【曾智華專欄】公安提醒你
例如早年的大灣區（當時叫珠江三角洲）不少酒店，床頭就擺滿各式壯陽藥物。某次在深圳開國際會議，與會的外國同業休會時靜靜問：「阿碌，為乜呢處酒店會在房內提供咁多針對男士的藥物呢？真係個個要用又或用咁多？好難想像噃。」仍記得佢講時，拎住一包我肥碌都未聽過的「東方晨起」，都唔知係乜鬼嚟，邊個敢食，當然忠告佢切勿吞服。
【曾智華專欄】第三間醫學院大賽
上周日小弟又馬神上身，聲明「星際快車」可劏低全日巨熱「舉步生風」，結果又中，但噴到一地血！因「星際快車」賠率原本超過二十倍，點知跑完才知被打劫，變六倍，頂佢頭槌！必須再提大家，凡「軟硬鞭」騎某些馬房大熱，咪買，班友狼到冇人性㗎！
【曾智華專欄】遊金門宜早不宜遲
昨日講到我最喜愛的小島金門，有世外桃源之感，也充滿中國式的小鎮風情。雖然天然資源不足（欠水及農作物），但係因出產高粱酒賺大把錢，故政府毫無需要及意欲發展，長年維持現狀，真真正正五十年不變。
【曾智華專欄】一生最少去一次金門
另外，似是上天眷顧，金門缺水而沙多，種高粱有盡先天優勢，而高粱酒正是金門名產，講出嚇人，單單出產高粱酒，收入已足夠支付整個島居民的基本生活費用，包括教育、醫療、交通及社會福利……
【曾智華專欄】成功者找方法，失敗者……
過往日子，有幸遇到不少成功者，與這類人做朋友，非常有滿足感，因佢哋絕不怨天怨地，只積極解決問題。當然，我也會遇到不少日賴夜賴的失敗者。賴乜？正是我失敗，唔關我事，只關其他人事！
【曾智華專欄】詹培忠性格決定命運
新聞片上，見到七十七歲的詹培忠，拿着枴杖，有點吃力地步上法庭樓梯，眼神仍然倔強，兼且有點串串貢，臨宣判仍擺出個「硬漢」款。結果被定罪，繼續「硬」，透過律師表示不會求情，先坐一個月，明年1月8日判刑。
【曾智華專欄】沒有蜜月，只有角色
N年前加入政府，在會議中，現場聽到最高上司訓斥某中層管理人，因後者意圖解釋一項錯失，是由其他下屬引起，佢根本唔知，結果當眾被省到面懵懵。當時我剛剛加入官場，上司所言一生一世銘記於心，亦深明此乃問責的精神——坐得個位，就唔關你事都變關你事！