Tag: 曾智華專欄
【曾智華專欄】民調公信力的真與假
立法會換屆選舉年底舉行，各路人馬紛紛摩拳擦掌鋪路爭櫈仔，故此未來半年會好戲連場，或明爭，或陰鬥，為權力，可能乜嘢核突招數都會使得出㗎。我會當戲咁睇，間中又會扮演「政治評論員」，到底接觸香港各級選舉，已凡四十年，好多明謀陰謀，見慣見熟也。
【曾智華專欄】捧可愛笑容騎師
香港騎師贏馬，並非個個笑㗎，最明顯的是經常「揦口揦面」的布文，以及大多數時間騎到（贏到？）麻木的潘頓，兩人可能贏馬太多，騎得太久，已甚少有種由心而出的滿足感。總之贏完應酬吓馬主影張相，就急急轉身走人。
【曾智華專欄】病人的「震撼帳單」
消委會早前發表報告，指私營醫療機構的收費，透明度仍然不足，建議政府「做嘢」，意即再唔監管唔掂。等我補多兩句啦，其實如今私營醫療加保險集團有意無意的聯合「掠水大行動」，已變計時炸彈！
【曾智華專欄】逆流遊台北大享受
早早講過，我是逆流大叔。凡人多地方的，例不會去。放長假時，香港人個個雞飛狗走返「真假鄉下」，小弟此時例必留在香港，享受少有的寧靜——交通唔擠塞，公共交通冇乜人，泊車及食嘢搵位易，嗰種舒泰感，平日何處可尋？相反，當人人開工搏殺時，咁就玩倒轉，喂，你唔去，咁就到我周圍飛喇。
【曾智華專欄】唔該你申請啦
真真世界輪流轉，香港過去一百年，有兩個身份，絕對吊起嚟賣，只怕人人嚟真打崩頭，從來唔驚冇人吼。係乜？正是馬主及馬會會員！最「非常時期」，聽講「枱底價」是天文數字，當然此乃犯法，早有人因此去咗赤柱踎。
【曾智華專欄】特朗普怪雞關稅邏輯
特朗普日日霸住全球新聞時間，越講越High，越講越無邏輯。難得佢國內百萬知識分子，冇乜對等力量可以踢爆佢。加上丁友完全知道自己的「魅力」，你班新聞界唔聽佢點，佢就唔畀你採訪，一手摧毁新聞自由也做得出，歷史必定審判佢！
【曾智華專欄】荷里活電影的良知
觀眾見到的製作人價值觀，與現今掌權主流人物特朗普，以至佢身邊一眾惡形惡相政客大大不同。狂特猛吹要美國「偉大」，恍如做黑社會大佬，四圍恰人，擺出個霸王款亂加關稅就是「偉大」，這種「偉大」，完全冇良知、冇良心、冇道義、冇公義，更是出賣盟友唔使本。
【曾智華專欄】練馬師上身大快感
第一，隻馬已伏匿匿近一年，遊咗咁耐馬河，都應係時候出擊。放騎師仔上去，可以分多幾蚊，加上排正一檔，好，咁就度如何畀指示騎師。隻馬以前W，跑法正是由頭放到尾，今次有好檔，一於彈閘而出，採取大逃策略，狂放而回，博其他對手跟到氣咳被掟甩。
【曾智華專欄】唔該快啲天熱
冷，好易搞，着多幾件衫，戴頸巾，笠冷帽，再唔係，戴手套加條虧佬褲都可以搞掂。但熱呢，真弊，因被紫外光一曬，身體就起反應，不安情緒湧現。故此，踏入5月，一切日間活動全推掉，總之，早上九點半後，黃昏五點半前，只躲在家中等，等乜？等日落西山，就出外運動及晚餐。
【曾智華專欄】民歌迷的時光隧道
因故事發生在上世紀六十年代，時值美國與蘇聯勢成水火，美國動用一切硬軍事及軟傳媒力量，全力轟炸蘇聯這個死敵。尤其蘇聯意欲在古巴設置導彈基地，似足三年前烏克蘭揚言加入北約，將最犀利武器部署在俄烏邊境。美國一樣，俄國也一樣，當你在我旁邊，用狂大殺傷力武器威脅我時，一定同你死過。
【曾智華專欄】兵不厭詐假假真真
普通賽事，全球日日N咁多場猛踢猛跑，容乜易造假。但到重要賽事，打假會損失慘重時，就冇人咁蠢，天文數字獎金唔贏，走去打假跑假。一可能會被踢爆，二幕後的班主馬主，若贏一場能執幾千萬元至過億元，你玩假？未死過咩乎？例如足球，打到入歐聯八強，已等於開咗天文數字獎金、國際轉播權及龐大數量商品版權的金礦。球員、教練方面，也是個身價量度器，集名利於一身，打跛腳都會拼盡，當然百分百打真。
【曾智華專欄】一片功成萬片枯
今期慘無人道，最高質素的兩套奪得國際大獎項的《搖滾詩人：未知的傳奇》及《美聲歌后：瑪麗亞》，前者扮卜戴倫的添麥菲查洛美乃天才演員，早已獲得奧斯卡提名，靚仔演技好，後者乃安祖蓮娜祖莉演技「晒冷」之作。
【曾智華專欄】冇癮到爆的經驗
通常一項大型建設由零開始規劃，都會懷着美好願望，不過，現實歸現實，願望不一定會成真的呀！故此，當睇到報章大字標題「出租包廂可成體育園收入支柱」時，我腦內即時浮現起當年香港大球場改建前的美夢，以及落成後的碎片化。
【曾智華專欄】馬王競爭夠刺激
「遨遊氣泡」今季大熟大勇，跑五場四W一Q，贏三場國際一級賽，兼且場場皆EasyWin，三冠馬王擺明囊中物，仍未知可以去到幾深，睇嚟應該試做過江龍，與國際級馬王比試一下，令自己成就更上一層樓。
【曾智華專欄】何俊賢，你爭氣啲啦
但其時不少親友三姑四婆當然有點……乜新鮮蘿蔔皮？考讀入名校？終於，慘，正因資質不足，凡考試就滿江紅，返家面對老父，當然大刑侍候，打到開花，因佢耗盡心力勞力積蓄送我到名校，竟然讀到咁款，變籮底橙，分分鐘被踢出校，怎不激到幾乎嘔血？此時，先母正正扮演「白燕」角色，語重心長，一邊幫我用藥油搽藤條痕，一邊話：「仔呀，你生生性性努力讀書啦，出面好多人睇死我哋㗎！」
【曾智華專欄】的士罷載弊多於利
相信的士業（主要由商會及炒家）的「罷載施壓」，連提出者也想不到會像強勁回力球，反彈到自己一面屁，最後取消行動兼道歉。縱觀近日網上及報上的輿論，簡直一面倒「喊打」，有正正經經直斥其非，也有百厭星玩嘢揶揄，最過癮為：支持你哋永遠拒載罷駛，此乃香港福音！
【曾智華專欄】誰是「發財騎師」？
觸發我專誠研究，乃因早前小弟指出，南非仔董明朗乃練馬師蘇偉賢冷殺手，久不久趁大家唔覺就爆一隻。當時剛爆出一隻從未上陣的「假面騎士」，二十八倍。其實此馬早前試閘試跑，已一放絕塵，不過，冇人信呢位成日有馬跑而冇馬贏的騎師會爆啫。
【曾智華專欄】狂特冇道德冇道義
世界形勢越來越凶險，乜都比美國玩晒，完全欠缺制衡，點掂？如今凡睇新聞，幾乎冇晒其他意見，清一色只報道特朗普講乜，呢丁狂躁佬永遠一時一樣，前言不對後語，但傳媒永遠冇認真質詢佢亂噏邏輯。
【曾智華專欄】民意大白象
乜叫民意？正是大部分市民的意願。乜叫大白象，即大大隻在眼前，盲嘅都睇到的一切呀！最近有兩條公眾議題，就正正是「民意大白象」了，可惜一眾高官唔知真定假睇唔到，決定選擇逆民意而行，於是乎令人為之吹脹。
【曾智華專欄】「零零亨」再一箸夾中
又中到應！若我的貼士有咁準就發達。講乜？周三本欄標題《黃總快谷盡「零零亨」》，講的正是星島日報集團網上直播的《賽馬日在線》內，閃出閃入的「沙圈密探零零亨」，極之有料到，所報的觀察，經常帶挈我中到應一應。