張家輝苦練蒙嘉慧「撩」字發音 救場反應快獲讚︰團隊嚟㗎 拖關詠荷睇戲齊爆喊

電影《我阿爹想旅行》主演張家輝、鍾雪瑩，和兩位導演黃綺琳、黃鐦今日（10月17日）到戲院謝票，跟觀眾分享。觀眾紛紛形容情節感人，有人表示感同身受，分享感受時淚如泉湧；張家輝亦發揮搞笑本色，笑在場觀眾為甚麼喊時只有眼淚，無鼻涕。

張家輝被讚救場反應迅速

張家輝、鍾雪瑩、黃綺琳、黃鐦受訪。張家輝透露今日要謝票工作，直落到8、9點。工作人員指明日、後天天也有謝票活動。訪問開始時，眾人笑言蒙嘉慧不在（日前宣傳電影時，她說出「撩」字時，疑似爆粗），故無工作人員「撩」（業內手勢動作，指催促訪問要趕快完成）；張家輝：「返到屋企我真係練習過⋯⋯」鍾雪瑩即時補上：「俾人『撩』？」引來一陣笑聲。張家輝續說：「我練習過點樣發聲發去嗰個位。『撩』你呀！老味！（網民讚你當時救場，反應好快）咁大家係一個團夥嚟㗎嘛！」

張家輝、鍾雪瑩「父女」以「撩」字互動。

蒙嘉慧日前宣傳電影時，說出「撩」字時疑爆粗，當時張家輝救場迅速，被網民讚反應快。

（左起）黃綺琳、張家輝、鍾雪瑩、黃鐦去戲院謝票。

張家輝、鍾雪瑩演父女整喊好多觀眾。

鍾雪瑩月底有《善男信女》上映。

張家輝分享拍攝點滴。

「父女」傾到手舞足蹈。

張家輝好受歡迎。

全院擤鼻涕似流感高峰期

《我阿爹想旅行》上畫，張家輝提到朋友有買飛入場，特別提及「契爺」胡楓（修哥）也有欣賞，大讚「學到嘢」，續說日前同太太關詠荷入場睇戲一齊爆喊，「我哋每人喊濕兩張紙巾。」講笑指整間戲院的觀眾都在喊、擤鼻涕：「鼻涕湧住晒，又唔敢擤，因為好多人喺度。印（鼻涕）到第二張（紙巾）時，又畀張佢，一人兩張，搞到成場好似流感高峰期咁！」

張家輝︰我冇收埋關詠荷

講到《我阿爹想旅行》情節，張家輝提及其角色「莫鎮強」去世一幕，「演出時，知道自己將要離去嗰一刻，好似冇想像中咁驚……可能因為我哋人大咗，都不時接觸到呢啲情境。我當時感覺，見到佢哋一班人喺度，好平靜咁樣⋯⋯當時諗，都唔係好恐怖啫。」導演黃綺琳：「唔係好恐怖，淨係知你好入戲。」有記者問，太太關詠荷睇戲後，有無「戲癮」大發？張家輝回應指沒有，「我都問過佢，最慘佢啲粉絲成日話我收埋佢。」