岑樂怡出書賀生日認愛情長跑12年 強尼無諗過離巢

岑樂怡（阿妹）繼去年執導微電影《格仔恤衫》後，今年再有新搞作，出書做作家。今日（10月23日）《每天一封信直到我們再相見》新書發布會兼生日會上，阿妹解釋寫書緣由，原來源自《格仔恤衫》其中一個故事。好友強尼指阿妹喜歡用文字與人溝通，經常收到她寫的postcard或聖誕卡。

岑樂怡對結婚零興趣

強尼爆阿妹有一個穩定的另一半，阿妹坦言有同男朋友拍拖12年。問有無「拉埋天窗」的打算？她回答：「個天窗……我幾鍾意光光哋，拉埋咪嚇親佢？如果想生小朋友反而會諗。」笑言未想過有結婚這一天。談到離開電視台後的發展，阿妹說：「我可能喺ViuTV太耐，10年啦，出咗嚟個世界……我又驚，同時發現有好多可能性，慢慢又擔心少咗job……呢啲諗法。冇㗎，隨住個心囉，想點就點。」阿妹說：「大樹有大樹好，陽光有陽光好，呢個真嘅，唔係話虛偽。」問ViuTV一哥強尼有無離開的想法？「而家睇唔到，成日都講，有一樣做一樣，有一組就跑嗰一組，有一句對白，就講好嗰句對白。」

岑樂怡出書，強尼做司儀介紹。

岑樂怡出書賀生日。

岑樂怡認愛情長跑12年。

岑樂怡對結婚零興趣。

岑樂怡好hyper。

恭喜阿妹出書。

岑樂怡繼去年執導微電影《格仔恤衫》後，今年出書做作家，《每天一封信直到我們再相見》故事源自《格仔恤衫》其中一個單元。