前主播陳書君明年加國結婚拒請父母觀禮 自爆被批53歲大限欲立平安紙：唔想瞓住死
前有線新聞首席男主播陳書君（Vincent）於2026年5月離巢後，結束長達8年的新聞主播生涯。當時回復自由身的他，曾灑脫地拋下一句：「終於是徹底自由了，我要去過真正寬廣的人生。」而近年專注於個人發展的他，在今年9月於社交平台宣布婚期，透露與男朋友Steven計劃於明年在加拿大註冊結婚，正式「拉埋天窗」。近日他作客網上節目《生死下午茶》訪問，分享他被男友求婚的甜蜜，以及多年來因「出櫃」與家人產生的巨大裂痕，甚至揚言不會邀請父母出席婚禮。
陳書君2012年中秋出櫃母親以死相逼
陳書君在訪問中透露，家人早在2010年已察覺他鍾意男生，直到2012年中秋節，他決定親口向家人坦白，怎料換來的卻是母親極端的以死相逼。陳書君表示：「我記得應該係10年佢哋知道我係鍾意男仔嘅，跟住12年係我自己親口同佢哋承認。十幾年到依家都唔接受，呢個對我嚟講係一個幾大嘅、心入面一個難關過唔去。當時我已經搬咗出去住，我Text我媽，同我媽講：『我要同你講一件事。』咁跟住我媽就發晒癲、狂打電話嚟，話：『你再唔返嚟見我，我就去跳樓呀、跳橋呀』！」
陳書君拒娶妻欺騙兩個家庭
面對至親以生命作威脅，陳書君在痛苦中依然選擇誠實面對自己，他堅信若為了迎合父母而娶妻生子，只會製造一場更大的悲劇，因而狠下心拒絕妥協。這份堅持也令他與家人的關係至今依然冰封，在移居香港後更是形同陌路。他坦言：「我都幾狠得下心，覺得我可以做咩？唔通我去呃一個女仔話我鍾意女人，我同佢結婚？咁樣壓抑一世，呃咗兩個家庭，係好唔負責任嘅呢樣嘢。所以我唔會做啲咁違背良心嘅嘢。我同家人唔OK呀，咁多年都唔OK。以前隔一陣都會返下屋企，後來嚟咗香港之後就更加有藉口唔返去。」
陳書君加國婚禮不請父母
談到明年9月的加拿大婚禮，陳書君直言不會邀請父母出席。前陣子獲男友Steven求婚時，一眾好友出席見證，這讓他對「家人」二字有了全新的體會，並直言朋友和另一半組成的「Chosen Family」比血緣更重要。陳書君表示：「婚禮我唔會邀請佢哋呀，我覺得無必要令到佢哋同我都唔高興。既然我知道佢哋唔祝福我，咁我叫佢哋嚟做乜呢？我以前會覺得，我一定好需要屋企人祝福。但去到某一個位嘅時候我已經覺得，我可以做我自已嘅父母。我唔需要佢哋畀 Love 我，我嘅愛係我自己可以營造畀自己。」
陳書君被相士批53歲大限
在訪問中，陳書君更自爆被算命師傅批他活不過53歲，他坦言當初聽到「53歲死」時的確有過驚恐反應，甚至一度想立平安紙，但也因此學會更珍惜眼前人。對於死亡，他笑言不怕死，但絕不想「瞓住死」。「當時我都有諗過，自己要唔要一早立定遺囑、寫定平安紙嗰啲，萬一真係走咗都要對身邊嘅人有交代。我唯一諗法係唔希望瞓住覺死，瞓住覺死我就唔知我自己死咗。首先我唔希望痛苦咁死，但我都不希望瞓住咁死。我要有一個意識：『得啦，我知道我要死啦』。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
