屯門女童拎啤酒案陰影？小學女生幫拎電飯煲 港媽秒速搶走：「唔好累我上頭條！」收銀同排隊客咁反應｜Juicy叮
孝順女想幫手 媽媽秒搶回：驚上東張西望
樓主在帖文中生動描述，當時他「啱啱係特賣場排隊畀錢」，見到前面一對母女買了一個電飯煲。那位「孭住粉紅色書包嘅小學生囡囡」非常懂事，對媽媽說：「等我幫你拎喇！」隨即主動上前，從收銀台上「攬走咗嗰一箱電飯煲」。
正當這溫馨的畫面融化人心之際，媽媽的反應卻出乎意料，她「即刻面有難色」，並馬上「搶返個電飯煲」，緊張地對女兒說：「唔好啦，你唔好累我上頭條！」此話一出，排隊的客人和收銀員都忍不住笑了出來。樓主不禁感嘆，這位媽媽「果然係緊貼時事」。
網民紛拒年幼子女幫手：個個都唔想上頭條
這則帖文迅速引起網民熱烈討論，不少家長分享了類似的經歷，有網民笑言：「媽媽嗰句即場煞車先係笑位」，整個場面就像是「預演」上頭條。樓主也回應，當時看到女孩的書包，「又真係粉紅色有啲似樣......」令人哭笑不得。
有位網民搞笑地說：「所以我尋日唔肯幫我阿媽由西灣河托4支獅球嘜返柴灣都係費事佢上頭條炸！」更註明自己是「四張幾既兒童」。另一位媽媽則表示，到連鎖店大減價買了六盒口罩，女兒想幫忙也被她「搶叫唔好」。
有網民更表示，自己讀中一的女兒身高已超過她，在超級市場幫忙拿一包3公斤的米，都被丈夫提醒「你唔怕比人影？」面對網民的分享，樓主總結道：「大家都唔想上東張西望，所以好小心」。
港媽曬照片心驚：囡囡堅持自己推40幾罐野上斜坡...
在帖文留言中，一位媽媽網民更上載了一張相片，相中可見一個小女孩正費力地推著一部紫色摺疊手拉車，車上裝了大量飲品和湯罐頭，旁邊還有一個小男孩在協助。這位媽媽留言道：「我女好堅持自己推40幾罐野飲+金寶湯上斜坡，唔俾爸爸幫手，我都驚我俾人拍片啊，即刻叫哥哥去幫手練下肌肉」，相映成趣。
部分敏感的家長們似乎非常擔心瓜田李下，有網民甚至用「人心惶惶」來形容當刻心情，有網民又表示，甚至有契仔想幫忙拿重物，都被契媽以「你都唔想我哋齊齊上東張架」為由勸退。
理性網民籲勿過慮：「小朋友拎野」不等於虐兒
不過，不少理性網民紛紛呼籲大家冷靜，不要過度憂慮，指出判斷虐兒需考慮多種因素，不能單以「小朋友拎野」就下定論，「正常有批判思維能力都唔會咁諗」。有網民認為，只要小朋友表情開心，和父母有說有笑，旁人都能分辨出是出於自願，而非被迫，「咪低b啦幫媽媽同媽媽虐待兒女，大家係識得分嘅」。
有網民更以生動例子，說明樓主遇到的母女與屯門拎啤酒案情況截然不同：「大家係識分，重點係~啤酒~同個小朋友書包都爛，20罐重量，老竇鬧~癈人~仲有細路仔嘅說話神情，所以先至話虐兒啫。試吓喺Lee Garden 見到個小朋友，拎住一大袋Doir Chanel，我一定唔會話佢俾人虐待。」
來源：Threads
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
