蔡枫华澄清从未被封杀 爆“刹那光辉”后拒向张国荣道歉 翁静晶豪气课金蔡枫华再战红馆：我出200万
蔡枫华在80年代是极具代表性的艺人，歌唱比赛入行后，凭自己亲自作曲并演唱的〈倩影〉红遍大江南北，在颁奖礼上囊括不少奖项，当时身兼歌、影、视、播四栖艺人的身份，将事业推上巅峰。可惜在1985年，蔡枫华于《劲歌金曲》直播时，因对张国荣发表评论并说了一句：“一时嘅光辉，未必系永恒嘅”，导致其形象与演艺事业受到沉重打击，随后淡出主持群并淡出主流乐坛。
蔡枫华强调从来未被任何机构或者节目封杀过
近日蔡枫华接受好友翁静晶的YouTube节目《危险人物2.0》的访问，对于多年来娱乐圈经历的人情冷暖，蔡枫华在节目中为自己平反，谈到因一句“刹那光辉唔代表永恒”被指针对张国荣而遭封杀的传言，他强调：“对唔住，冇件咁样嘅事，我再澄清多次，我已经澄清咗好多次，不过都要再澄清，我从来未被任何机构或者节目封杀过，TVB，真系冇！”他还说：“𠮶阵讲呢句说话之后，监制要求我讲一句话，话我讲完之后就可以坐返落去。”但最终蔡枫华不肯屈服。
蔡枫华曾被《劲歌》监制要求道歉
蔡枫华在1985年主持《劲歌金曲》季选因突然爆出一句“刹那光辉未必代表永恒”的“个人感受”寸张国荣，结果由事业高峯跌落谷底，事业亦走进低潮。多年来蔡枫华不时为事件解画，他曾称当时张国荣在节目中演唱得奖歌曲外，还额外唱了蔡枫华的〈爱不是游戏〉，蔡枫华有感而发说出：“其实一位歌手得奖与否，冇乜所谓，我自己𠮶首〈爱不是游戏〉冇奖唔紧要，我好希望做歌手，无谓系人哋嘅歌，抑或自己嘅歌，都一样咁欣赏，我好诚心恭喜张国荣得到3首入选歌，但系一时的光辉未必是永恒。”蔡枫华指当时其实仲有一句说话未讲，却被急于打圆场的卢敏仪阻拦而未能说出：“我本来想话希望张国荣永远保有呢个永恒嘅光辉。”今次在节目上，蔡枫华说：“监制叫我向某一个歌星讲对唔住，但系我觉得我自己冇妒忌人，亦都冇针对人。你睇返啲片，有晒证据，我系话一个人一时嘅光辉未必系永恒，我仲有嘢讲，卢敏仪接咗我。仲有一样嘢我可以澄清，当时我同卢敏仪都系睇紧一个卫星转播过嚟嘅，冇人知嘅，而𠮶10首得奖歌曲，一早我就知晒个结果，因为喺晒我袋里面，主持人一早知道晒，卢敏仪拉伕上嚟，本来系俞琤，佢系拉伕上嚟，但系佢唔知。同埋好多电视上面嘅操作，有时得奖唔得奖，呢啲嘢我唔想讲到咁白。”翁静晶续说：“我讲！内定嘅！睇你乖唔乖，老实讲所有大机构都系，电影你就要同导演上床先有女主角做，呢个系潜规则，然后你如果要去大机构入面攞奖，唱片公司要捧你，你要贿赂……”蔡枫华则坦言：“我𠮶个问题系因为我系主持人，又系歌星，如果要喺𠮶10首歌要筛，死就死我先。因为我系打工𠮶个，我系TVB人，cut就一定cut我先。其实我一早知道cut咗，我系唔会有任何反应，所以卢敏仪讲得好啱，蔡枫华𠮶晚好顺畅，冇饮醉酒、冇情绪问题，完全冇。”蔡枫华坦承当年已算好彩，因为本身是合约艺员，高层疼锡，加上自己都清醒，所以自行请辞：“其实我一早都想唔做，因为个角色系矛盾，又系歌星又系主持人。”
蔡枫华亦否认因此而变得“兜踎”
蔡枫华亦否认因此而变得“兜踎”：“绝对唔系，1986年系我最高收入嘅，我话畀你听，又有演唱会又有电影，唱片公司有加人工，𠮶年系丰收年！令到我嘅事业真正低潮，系我嘅唱片公司唔肯应承张耀荣，出多一只碟去配合5场嘅红馆演唱会，我签咗，订都收埋，净系订都20万，𠮶时好多㗎喇！5场，同陈柳泉（陈淑芬老公），我哋三个一齐开会，一个CBS总经理、一个佢（陈柳泉）、一个我，佢就话张生希望出一只唱片support住我五场演唱会，1988年嘅期就攞晒，红馆嚟㗎！但系CBS Sony唔肯出，我就同佢讲，你怕蚀啫，唔紧要，我出钱，我自资，蚀咗就我嘅，但系都唔肯。咁我就有退意，想转唱片公司，但系唔得。”蔡枫华续指当时有另一间公司出价：“我觉得人哋间公司唔会捧我，因为佢有一个歌星系股东嚟嘅，大家都识㗎啦，阿伦（谭咏麟）呀！”本来他正取舍接受耀荣还是艺能的Offer，结果听了《劲歌金曲》监制建议：“佢讲咗一句说话，边面畀得钱多咪去边面囉，我谂吓，先食咗呢边先，但系呢个系咪聪明反被聪明误，我唔知，但系我就应承咗呢边（耀荣）。”结果1988年五场红馆档期，要抽走蔡枫华名字，变成其他歌手的杂锦Show：“好多人唔明点解蔡枫华成日都要喺荃湾大会堂，呢个问题你要问政府！政府唔畀，文化中心唔畀，呢度又唔畀、𠮶度又唔畀，逼于无奈我一定要拣𠮶啲场地。”
翁静晶豪气出100万支持蔡枫华开红馆演唱会
蔡枫华在2012年终于开了一场红馆四面台演唱会：“先试一试水温得唔得先，再谂住再上，点知啲人又话唱到边度唱到边度，因为𠮶时我五行欠呢啲（钱），唔唱唔得，人生嘅命运就系咁，你越系想做好𠮶件事，有啲人不求有功只求无过，本来你唔净止可以开一场，你爆晒㗎喇𠮶场其实，𠮶场红馆爆晒，系冇赞助，都爆晒！但系佢哋唔肯开，因为唔系张生唔肯，系佢哋做嘢𠮶个唔想开，反正都交代到，算啦一场过。我仲要揾食，要唱其他，咪唔高兴囉，我咪一路咁做，后来我又攞到期㖞，又攞到红馆期，我又同张生讲，谂住做，点知张生就走咗。”于是他四处登台做骚跑数，说：“𠮶时我知自己最薄嘅就系财力，所以我唔理咁多，拉低个头系咁做系咁做，到而家都唱咗50场个人演唱会。”蔡枫华自爆曾找连炎辉所属的保险公司赞助，可是不成事，翁静晶追问开红馆演唱会的价钱，蔡枫华坦言最近问过价，红馆开约400万资金，翁静晶一听便豪气地说：“我出100吖！我钟意呀，我系一个好悭好穷又冇钱嘅人，但系我好愿意出呢100万，好唔好呀？最多出到200万啦，好辛苦㗎喇。有心去做点解唔做？钱啫，唔系好大问题，好冇呀？如果要做，佢哋一定夹到出嚟，做乜要听人制肘？400万就400万 ，而家社会唔同，啲人买架车都几百万。”至于今后工作，蔡枫华坦言仍有很事未做：“我仲有好多心愿未做，但系我而家最担心嘅系我嘅健康，我嘅年纪，因为时间过咗冇得返转头，好似做广东省巡回，正正式式的广东话巡回，仲有Atlantic City，即系是大西洋城 以前我经常去，去埋拉斯维加斯，美国好多地方去过晒。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
