蔡天鳳碎屍案｜蔡天鳳遭鄺球毆打後怒斥「賊老頭」 蔡母庭上痛哭：阿囡真係好乖 只係信錯人

28歲名媛蔡天鳳（Abby Choi）2023年2月疑遭殺害後碎屍肢解，蔡天鳳前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪。案件第10日審訊，控方播放蔡天鳳及母親張燕花之間的對話，蔡天鳳稱鄺球「真係過嚟打我」，又形容鄺球為「賊老頭」、「臭頭子」、「垃圾頭」，認為鄺家不願出售加多利山單位「已經唔係人，係鬼啦」。張燕花看到蔡天鳳失蹤當日在加多利山單位接待客人的片段時嚎啕大哭，稱：「我唔想睇呀，我個囡真係好孝順好乖㗎，我好後悔」，「善良俾錯人，呢家人真係恩將仇報」。

蔡天鳳遭鄺球毆打後怒斥鄺球「賊老頭」

蔡天鳳及張燕花之間的對話中，蔡天鳳續怒斥「賊老頭，我養佢個仔」、「請工人服侍佢」、「佢唔係想嚟打我，佢真係過嚟打我」，張燕花庭上確認蔡天鳳曾投訴遭鄺球打。在2022年10月，蔡天鳳向張燕花投訴鄺球不肯簽署出售加多利山，怒指「唔轉返嚟俾我，免不了法律操作」、「拿回來都有一啲良心」、「如果唔肯拿回來，已經唔係人，係鬼啦」。母女另提及已取回以鄺球之名購入的勞斯萊斯，蔡天鳳表明會直接賣出。

蔡天鳳與母親對話中曾怒斥鄺球為「賊老頭」。

鄺球。

李瑞香。

鄺港智。

蔡斥鄺家在孫兒面前講蔡壞話是不惜福

蔡天鳳曾不滿鄺家「做埋啲小動作，唔珍惜福氣，兩個小孩一毛錢都不會賺」，張燕花庭上解釋鄺家不懂得感恩，「兩個小孩」意指鄺港傑及鄺港智。蔡天鳳更指「正常人都會多謝，有咁嘅生活卻唔知道多謝我」，張燕花直指鄺家認識蔡天鳳後的生活「直頭係唔同，有兩個工人服侍，有專人司機，靚衫、靚手袋，又有錢用」。

張燕花供稱，李瑞香及鄺家一直向蔡天鳳的子女「背後講阿囡壞話」，當中指「媽咪（蔡天鳳）神經病」。蔡天鳳在對話中指，若鄺家向蔡天鳳的子女傳達蔡天鳳正面的形象「咁養佢都值」，更指「同我養兩個孩子，阿媽（蔡天鳳）真係好，阿媽工作辛苦，如果咁教我孩子，我養佢都值，呢種人唔知感恩」。惟鄺家卻在背後講壞話，直斥「呢種人真係感恩都無」。

蔡天鳳曾考慮花數百萬將物業轉歸名下「好過俾人呃」 

2022年11月12日，當時7歲的蔡天鳳與鄺港智次女，在張燕花傳予蔡天鳳語音訊息中，提及鄺球及李瑞香罵蔡天鳳「神經病」，李瑞香又叫次女「唔好聽媽咪講」，次女則指張燕花教她「一定要相親相愛，唔好嗌交」。

蔡天鳳與張燕花的對話中稱鄺球為「賊老頭」、「臭頭子」、「垃圾頭」、「精神病患者」，蔡天鳳質疑鄺球即使答應簽署加多利山單位的售樓授權書也會「玩嘢」，「如果要大鑊，相信先要嚟玩嘢㗎啦」。張燕花指，2022年11月1日，鄺球答應上律師樓簽署加多利山單位的售樓授權書，但最終卻沒有簽署。

鄺球其後終於簽署加多利山單位的售樓授權書，蔡天鳳向張燕花稱，律師建議盡快賣樓，若鄺球發生什麼事，李瑞香有權繼承加多利山單位，而且鄺球即使簽署售樓授權書，一年內都可以隨時隨地注銷。蔡天鳳希望盡快售出加多利山單位，也願意減價，若一個月內仍無人問津，蔡天鳳當時便考慮花費數百萬元，把加多利山單位轉回自己名下。張燕花指蔡天鳳稱「賣得出就賣，賣唔出就洗幾百萬，好過俾人呃」。

蔡母嚎哭：孝順女信錯人 真係恩將仇報

張燕花供稱，蔡天鳳於2023年1月中至下旬因工作前往法國時裝週，蔡天鳳擔心鄺家又會教壞子女，在微信中向張燕花表示鄺家阻止蔡天鳳與子女傾計聯絡。而蔡天鳳在法國回來後，便沒有再與鄺球接觸，當時鄺球已簽署出售加多利山售樓授權書，蔡天鳳亦不容許鄺球再到訪加多利山單位。

2023年2月21日，蔡天鳳失蹤當日，張燕花的友人前往加多利山視察單位。庭上播放單位內的閉路電視片段，蔡天鳳身在加多利山單位開門接待客人，張燕花突然嚎啕大哭，表示不願重播片段，法庭暫時休庭待張燕花平撫心情。張燕花哭稱「我唔想睇呀，我個囡真係好孝順好乖㗎，我好後悔，佢信錯人，善良俾錯人，呢家人真係恩將仇報」。控方表示不會再播放有關影片。

鄺港傑、鄺球、鄺港智同被控1項謀殺罪及1項阻止合法埋葬屍體罪。控罪指3人於2023年2月21日，在大埔汀角路龍尾村56B村屋地下內謀殺女子蔡天鳳，並在2023年2月21日至23日期間，於同地阻止合法埋葬蔡天鳳的屍體。三人否認謀殺罪，鄺港傑及鄺港智承認阻止合法埋葬屍體罪，鄺球則不承認阻止合法埋葬屍體罪。

案件編號：HCCC198/2025
法庭記者：劉曉曦 黃巧兒