有片│上水清濤苑街市兩夜賊「放題式」偷竊 四袋蔬果滿載而歸

上水清河邨清濤苑街市發生盜竊案，昨（2日）晚10時許，兩名賊人踏着單車進入街市內，當時街市已收舖水靜鵝飛，二人分工合作，一人「睇水」，一人負責洗劫多間菜檔，擸走大量蔬果，最終載滿四大袋而去。

紅衫賊進入菜檔偷竊。fb：清濤苑清河邨&祥龍圍

紅衫賊進入菜檔偷竊。fb：清濤苑清河邨&祥龍圍

紅衫賊進入菜檔偷竊。fb：清濤苑清河邨&祥龍圍

另一黑衫賊在場睇水。fb：清濤苑清河邨&祥龍圍

紅衫賊滿載而歸。fb：清濤苑清河邨&祥龍圍

賊人袋內載滿芒果和蔬菜。fb：清濤苑清河邨&祥龍圍

店主翻查閉路電視得知，曾被兩賊光顧，在網上寫道：「10月2號，清河邨清濤苑街市 晚上10點幾有小偷入街市偷嘢，一個偷嘢一個睇水，已報警處理，請小偷自己去自首，認識圖片二人請聯絡我，我會當小事處理。」同時上載兩條影片及多張截圖。

紅衫賊負責偷竊。fb：清濤苑清河邨&祥龍圍

兩條片段顯示，兩賊一紅一黑，踩着單車而來，似是附近街坊。黑衫男負責「睇水」，紅衫男負責偷東西，他進入其中一個菜檔時，舖內只剩餘香蕉、辣椒、蒜頭、生薑及蔥等貨物，他左揀右揀，最終擸走香蕉和蒜頭。

另一條片段則見到紅衫賊擸了至少四大袋蔬果，包括芒果及蔬菜，相信他曾在其他店舖偷竊，兩賊最終滿載而歸。《星島頭條》正向警方查詢。

黑衫賊負責睇水。fb：清濤苑清河邨&祥龍圍