女導師深水埗公屋教英文 僅怪漢應門兼請食生果 憑一詭異舉動越諗越怕趁機逃生｜Juicy叮

一名女導師險墮上門私補陷阱。早前她接單前往深水埗公屋單位替小二學生補英文，事前一直與「媽媽」接洽，豈料抵達時卻僅得一名怪叔叔應門，對方更極為熱情地斟水及切生果。女導師機警「一啖都唔敢掂」，枯等十分鐘後憑一詭異細節越諗越怕，最終趁機成功奪門逃生。詳情見下圖及下文：

女導師深水埗公屋教英文 僅怪漢應門兼請食生果 憑一詭異舉動越諗越怕趁機逃生逐張睇↓↓↓↓

女導師深水埗公屋教英文 僅怪漢應門兼請食生果 憑一詭異舉動越諗越怕趁機逃生｜Juicy叮

全屋無學生聲

樓主昨天（2日）在社交平台 Threads 以「私補」為題發「警世」帖，指友人上星期接了一單上門私補，負責幫一個小二的小朋友補英文，事前「同佢喺 WhatsApp 溝通嘅係小朋友嘅媽媽」，過程看似正常。

但女導師按時上門後，卻發現「間屋只有一個叔叔，見唔到個小朋友」。該名叔叔向她聲稱「小朋友喺房，一陣先出嚟，叫我個friend（朋友）坐住先」。隨後，叔叔熱情「斟咗杯水畀佢飲，又切咗啲水果畀佢」。幸好女導師非常警惕，當下「醒目乜都冇掂」。

樓主帖文。Threads截圖

苦等十分鐘 憑一詭異細節越諗越怕

女導師在客廳枯等了10分鐘，發現雖然叔叔聲稱孩子在房間，但「過程中連小朋友把聲都冇聽過，個叔叔亦都冇催個小朋友出嚟嘅意思」。

在越諗越怕下，最後女導師當機立斷「趁嗰個叔叔去廁所之際，偷偷地逃走咗⋯」。事件令網民看得背脊發涼，驚呼「大癲」、「好Ｘ恐怖喎」、「嘩，咁恐怖」及「咁驚？！😱」，大讚女導師「幸好沒事」。

樓主回應。Threads截圖

樓主：涉事為深水埗公屋

不少網民直指事件非常可疑，留言警告「真係變態佬多，男女都要小心呀」。大批網民急切呼籲事主報警，高呼「報警備案啦」、「請公開地址」。

面對網民要求公開更多背景，樓主隨後回覆多謝大家關注事件，並解釋：「我都好想公布地址同cap（抓）圖，但我始終唔係當事人。」不過樓主補充，得知友人當初是在 facebook 尋找這份補習工作，涉事地點則為深水埗區的公屋單位。

網民：溝通「媽媽」恐是假冒

帖文引出大批網民分享類似的恐怖經歷。有網民指，朋友曾遇過一名溝通時自稱是「小朋友媽媽」的家長，豈料定好補習日子後，對方竟然發送了一張「健身男人自拍相」和「整糕點相」，並問女導師「食咗飯未」。

有網民指出：「開頭 WhatsApp 溝通嘅媽媽可能係假，又就算係真女人都可以係共犯。走到都算好，佢鎖咗個閘就慘！」亦有網民感嘆：「其實建議女仔真係唔好上門私補，好危險，你唔知對方係咩人，萬一遇著變態佬，真係叫破喉嚨都冇人聽到。」

網民整合上門私補三大安全守則

為避免再有導師落入陷阱，大批富有經驗的網民紛教路，整合出以下三大自保防身術：

守則一：事前「探底」要求出示功課

有網民建議，接單前應主動詢問小朋友姓名、就讀學校，並要求家長發送近期的功課、測驗或書本進度。網民指「呢啲比較難作假，真嘅家長呢啲時候就唔會特別遮名或者隱藏學校名」，能有效核實家長身份。

守則二：入屋前核實及製造「阻嚇」

有網民提出，第一次上門時「應該要喺門口外見到小朋友先好入屋」，若見不到，起碼要有女人或工人姐姐開門才安全。萬一真的進了屋，應立即打電話給家人或朋友，大大聲說出自己身處的詳細地址，並發送定位，讓屋內的男人聽到，以產生阻嚇作用。

守則三：非熟人介紹一律約在公共空間

不少過來人直言，以前做私補「只會接有人介紹嘅」，如果不是熟人介紹，一律提議約在外面有閉路電視的地方上課，例如會所場地或音樂室，既安全又可以保障自己免受不必要誤會。

資料來源：inner_space.hk＠Threads

相關閱讀：