名古屋亞運·網球｜黃澤林四強反勝蘇坦路夫 闖入男單決賽衝擊金牌
香港網球一哥黃澤林今日出戰名古屋亞運四強，對上烏茲別克的蘇坦路夫，除了一眾到場支持的本地球迷外，好友兼網紅團隊JFFT（床哥、良少、米爺、雞翼）更在北海道趕往名古屋力撐，最終Coleman亦不負眾望在先失一盤下，連追兩盤以2:1反勝對手，闖入決賽坐銀望金。
黃澤林反勝闖男單決賽
黃澤林上屆亞運止步八強，今屆專注單打項目表現強勢，目前未失一盤闖入四強，對上來自烏茲別克的蘇坦路夫，二人此前僅有過一次交手，便是2025年的台維斯盃，當時是Coleman獲勝。但今次他反而遇到不少挑戰，在強風之下Coleman明顯並未完全入局，首盤便被對手率先破發以3:6先失一盤。
但進入到第二盤Coleman狀態漸入佳景，在先被對手破發下，隨即破發回敬對手，之後更成功保發下率先拿下賽點，Coleman之後更乘勝追擊再贏一局下扳平盤數。Coleman進入到第二盤得勢不饒人，開局便打出破發下以4:2領先，之後再破發下取下賽點，Coleman順利再乾淨俐落贏下關鍵發球局，成功以2:1完成反勝闖入決賽衝擊金牌。
逆風下穩住心態完成反勝
Coleman賽後提到對手很快入局亦好好地把握節奏，所以早段處於下風，但自己亦一分一分打回來，亦很好地發揮出自己平時練習的東西，很開心可以完成反勝，提到之前未失一局，今次以反勝完成會否對自己的心理準備更好，Colema指出：「好重要！我真係冇諗咁多話「輸咗要全部贏晒」，其實都冇可能嘅，估唔到一嚟到佢咁鬼順啦，跟住所有嘢都好難去應付。去到尾自己搵到個機會，搵到翻嚟個決心，相信自己可以翻到嚟，就真係最尾翻到嚟。」
提及到歷史性首闖亞運男單決賽，被問到是否會因此帶動全隊士氣時Coleman則認為：「我覺得點都有啲。我都係做返自己嘅工作，我都好想幫香港攞返面牌，因為我哋未攞過嘛，尤其係單打有史以來未攞過。咁而家去到決賽，都想繼續衝啦，繼續上啦！」談及到好友JFFT以及一眾球迷的打氣，Coleman指對他的幫助好大，也感謝他們特意趕來打氣：「都好多謝佢哋特登過嚟，都知佢哋有自己嘢做啦，都特登過嚟，重要係亞運，好開心有自己朋友過嚟，希望聽日佢哋都喺度。」Coleman也透露在完成明日賽事後，預計會同日趕往上海的上海大師賽，希望可以提前做好準備。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
