名古屋亞運.空手道｜港隊空手道男子團體「形」奪銅 洪晧崴達成個人團體兩牌目標
港隊代表洪晧崴、鄧宇軒及李智剛於愛知名古屋亞運空手道男子團體「形」賽事，先於8強戰敗給澳門，之後於銅牌戰以3:2力挫中華台北獲得銅牌；而洪晧崴成功完成奪取個人和團體兩面獎牌的目標。
港隊三人之中，洪皓崴完成奪取個人和團體兩塊牌的目標，他表示：「其實對我來講，我第一塊已經好似發場夢咁樣，真係好似一場夢，我打完之後無克制自己，倒返轉我記得自己，仲有一個任務，我一定要跟他們成功去拿這一塊牌。現在達成目標，我感覺反而好平淡，好似終於完成今屆賽事任務，終於可以放鬆，可以休息下。因為其實恕不相瞞，我練習時候其實少少拉傷。對於我來講，現在終於可以鬆一口氣。與其話我帶住佢兩個，不如倒返轉係佢兩個帶住我。佢兩個近兩年拿過亞洲賽獎牌，他們的經驗，奪獎的經驗多過我。我是第一次站在亞運舞台上面奪牌，但他們一早已經有經驗，所以其實他們都好信我、好聽我給他們的意見。所以呢塊牌我覺得係唔係我一個，或者係佢兩個，正係我們三個一齊。」
鄧宇軒賽後興奮地說：「我等咗呢一刻好耐好耐，因為我同師兄都係第二次打亞運，上一次就好接近好接近，我們拿第五名，同獎牌擦身而過。今次我們把握得好好，雖然第一場輸，但我們無放棄過，一路好有決心爭呢一塊牌。好想多謝智剛、阿崴，呢個團隊大概夾了兩個月，第一個比賽就是泰國公開賽，我們得第二名。但我覺今次發揮得更加更加好，我覺得好驕傲拿到呢一塊牌，多謝。要多謝埋屋企人支持啦，同埋多謝直播睇我們的各位。可能有些香港市民未必熟悉空手道，希望我們團隊透過呢塊獎牌，大家可以了解多D我們空手道呢一個項目吸引之處，」
李智剛則指互信是今次奪牌的關鍵：「我們贏開亞錦賽團體獎牌，我自己賽前真係無乜太特別感覺，但當然想贏。無特別感覺純粹可能係因為我們真係準備得好好。首先多謝阿崴，佢要打個人，要犧牲自己，要平衡返自己個人啦，亦都要去兼顧我們團體賽，全部都要再調整過。然後都想多阿軒，我們夾了好耐，我們三人係無條件相信對方，總之是超信任、聽、信任，然後就堅持到最後，打到呢一刻，最後贏埋。多謝大家?支持。」
男子空手道隊於空手道男子團體「形」取得銅牌，可獲「賽馬會優秀運動員獎勵計劃」獎金港幣50萬元，以作鼓勵。馬會透過「賽馬會優秀運動員獎勵計劃」，向在第20屆亞運獲獎的港將頒發獎金。個人項目奪得金、銀、銅牌分別可獲100萬、50萬及25萬港元；團體項目三甲則可獲200萬、100萬及50萬港元。
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
