的士來回車資$250 山頂豪客突派驚喜「心意」 司機拆利是一刻全網致敬｜Juicy叮

一名的士司機接載山頂豪客，一程來回車資250元，竟意外獲贈一份驚喜「心意」。「拆利是一刻」引來全網致敬。詳情見下圖及下文：

的士來回車資$250 山頂豪客突派驚喜「心意」 司機拆利是一刻全網致敬逐張睇↓↓↓↓

的士來回車資$250 山頂豪客突派驚喜「心意」 司機拆利是一刻全網致敬｜Juicy叮

樓主：開利是一刻嘩咗一聲

樓主早前（19日）在社交平台 Threads發帖，分享一則暖心奇遇。他表示，當日接載山頂的屋主，一程來回250元的行程，坦言「我係冇 expect（期望）過畀一封利是我」。

當他收到這份心意並拆開利是，驚見入面裝著 500大元那一秒，忍不住驚呼「開利是嗰一下我都嘩咗一聲」。樓主感恩地表示，自己向來深信「優質服務係我嘅宗旨」，並再三向該名山頂乘客道謝，承諾會努力「做好我嘅市區的士司機本份」。

樓主帖文。Threads截圖

堅持禮貌待客

意外獲得厚賞的樓主依然謙虛，透露自己只入行1年。他平時駕駛一部舊4座位的士，坦言「我雖然揸一部舊4座位的士，有啲人見到舊車嘅都唔會選擇坐」。

但他堅信「舊車之中都有好司機，客人係老細，點都要有返啲禮貌」，並將「以客為先係我嘅原則」奉為工作宗旨。

有網民留言大讚樓主「你的好服務有超 5星評價」。對於舊車被挑選，網民笑言「會舊唔坐咁搞笑，坐的士都係趕時間仲揀」，樓主則回應「到咗今時今日都仲有人揀的士坐，有啲人係要求高啲」，並笑言大家可以「睇有冇機會坐到我架車」。

同行心酸對比：收嚟收去得 $10

對於這份難得的溫馨互動，有網民留言指「有禮貌嘅司機叔叔、哥哥，係值得大家尊重」，樓主深表認同，指出「呢個真，大家有共識，成程車就自然開心啲」。

亦有人為樓主打氣指「繼續努力，堅守本份，安全駕駛」，樓主亦爽快答允「當然啦」。

網民更盛讚「嘩！司機大哥。你一定有優質服務。respect（尊重）」，樓主亦暖心表示「多謝先，我都揸咗1年的士，以客為先係我嘅原則」。

不過，這份驚喜並非人人皆有。有同行司機羨慕留言大嘆：「你就好啦。做咗幾年收嚟收去都係 $10、$20 標準金額利是。」可見樓主收到的利是分量絕對充滿厚重敬意。

網民：禮多人不怪

有網民勉勵「所有服務業都是禮多人不怪！的士司機大佬一定安全駕駛，對客人態度好！咁先有好嘅回報！多啲好像你咁好嘅司機就好了！加油！」。

樓主對此大表認同，並指出這其實「其實唔係好難，而家多咗後生入行，問題係少咗嘅」。只要人人都多一份禮貌，這座城市依然可以很有溫度。

資料來源：cs19_taxi_photography＠Threads

相關閱讀：