名古屋亞運.單車｜梁穎儀女子個人公路賽奪銅 港隊今天獎牌開齋

愛知名古屋亞運會女子個人公路單車賽，港將梁穎儀以2小時50分46秒完成賽事，落後首兩名國家隊的郭莉和阿富汗選手41秒，勇奪銅牌，為港隊今天在獎牌上開齋。

比賽初段梁穎儀守於主車群，完成頭兩圈賽事後排在12位。她在第三圈開始發力衝上前三位，可惜於落斜路段被其餘兩位領先選手拉開，最終以第三名衝線奪得一面銅牌。

梁穎儀亞運女子個人公路賽奪銅。路透社

梁穎儀亞運女子個人公路賽奪銅。路透社

梁穎儀女子個人公路賽奪銅。電視直播截圖

梁穎儀女子個人公路賽奪銅。電視直播截圖

梁穎儀女子個人公路賽奪銅。電視直播截圖

走出計時賽失利陰霾

梁穎儀坦言之前計時賽失利，刺激自己公路賽搏盡爭牌：「早兩日真係好唔開心，因為即係又係第四啦。今天就想反正其實都無東西可輸，就試啦。我想有幾多力要用盡出來，唔理啦，唔理我係什麼名次，點都好，總之我將我所有都發揮出來，已經係對得住自己。」

展望場地賽再奪牌

穎儀又透露：「本身三個人一齊拉開曬個距離，但我自己落斜嘅時候就有少少驚，之後就被拉開，就一路諗住追車，追近了但到平路他們兩人一齊夾拉開，我都無辦法追到上去。不過，可以攞到銅牌我都好開心。呢幾個月的辛苦，現在有少少甜頭。希望場地可以同思思(李思穎)合作，再攞多啲獎牌。」

港隊代表梁穎儀於女子個人公路單車賽取得銅牌，可獲「賽馬會優秀運動員獎勵計劃」獎金港幣25萬元，以作鼓勵。

馬會透過「賽馬會優秀運動員獎勵計劃」，向在第20屆亞運獲獎的港將頒發獎金。個人項目奪得金、銀、銅牌分別可獲100萬、50萬及25萬港元；團體項目三甲則可獲200萬、100萬及50萬港元。