梁詠琪周一現身《叱咤樂壇》 與「雙面人」世紀碰頭 網民等睇梁文禮道歉：會唔會詐病請假

梁詠琪（Gigi）將於今年11月在紅館舉行30周年《梁詠琪LOVE GiGi愛自己世界巡迴演唱會》香港站，梁詠琪為演唱會的籌備工作進行得如火如荼，宣傳活動亦將會展開。梁詠琪周一（21日）將會到商台為《叱咤樂壇》擔任嘉賓，想不到節目未開播，已經引來外界關注，當中與主持之一的梁文禮有關。

梁文禮被網民炮轟是「雙面人」

梁文禮在2023年曾在Instagram 限時動態大讚梁詠琪紅館演唱會好靚。然而，他隨即被網民踢爆在私人的Facebook 帳戶內發表完全相反的狠批，直指個唱「flow 差、歌編得差、舞差、當然佢唱得差」，甚至批評演唱會的服飾醜陋，因而被網民炮轟是「雙面人」。結果梁文禮被商台處分，暫停主持人職務3個月。今次二人世紀碰頭，有網民開PO說：「梁文禮你星期一千祈唔好射波，如果星期一《叱咤樂壇》唔見X禮代表佢扮病，梁詠琪等緊你親自道歉㗎！」

梁詠琪在2023年曾於紅館舉行三場演唱會。

商台DJ梁文禮在欣賞梁詠琪演唱會後，在個人社交平台帳號狼批梁詠琪唱功差。

梁文禮早前在欣賞梁詠琪演唱會後，在個人社交平台帳號狼批梁詠琪唱功差。

梁文禮形容梁詠琪演唱會上其中一件衫似抹完鼻血的紙巾。

但梁文禮在公開社交平台帳號卻大讚梁詠琪好靚。

梁詠琪周一（9月21日）將會到商台為《叱咤樂壇》擔任嘉賓。

梁文禮後來被網民翻出黑歷史，指他多次出言批評歌手。

商台2月時發聲明指將暫停梁文禮主持職務。

商台2月27日在社交平台發聲明指暫停梁文禮主持職務，潛水近三個月，5月1日梁文禮正式重返電台開咪。

經過近三個月的沉澱，梁文禮重新活躍於社交網並曾貼出觀賞林宥嘉演唱會的照

梁文禮於社交網透露在街上撞見鄭欣宜，被人批評搏流量。

梁文禮被問到有傳欣宜秘密產子，他則說不知道。

商台DJ梁文禮被踢爆「雙面人」行為

梁詠琪在2023年曾於紅館舉行三場演唱會，商台DJ梁文禮被踢爆「雙面人」行為，他睇完頭場演出後，先在公開的IG分享演唱會的照片並留言大讚梁詠琪好靚，但轉頭就在個人的FB撰長文狠插演唱會：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬，我全晚都睇得好猛（忟），坐立不安......唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」結果惹來網民狂轟，梁文禮更被翻出黑歷史，指他過去曾多次批評歌手，其後商台發聲明，宣佈暫停DJ梁文禮主持職務3個月。事隔3年梁詠琪和梁文禮世紀碰頭，有人在Threads開po：「完全係雙面人見人講人話見鬼講鬼話。」、「唔知佢會唔會覺得尷尬㗎呢？」、「其實真心唔明x禮點可以入行？一味靠癡，成x日讀錯字又黑人憎，幾次出街撞過佢周圍啤人，真係以為自己明星？冇人認得你啊！」但亦有人說：「其實佢都係普通人一個，最戇居就係出post講畀人cap到， 有咩意見私底下講吓咪算數囉。」、「香港樂壇就係唔容許批評嘅聲音，個個變晒盲撐咁先好？」、「小心講嘢，避免又重罰。」

梁詠琪曾大方表示不要緊

對於被梁文禮狂踩，梁詠琪曾大方表示不要緊：「一套電影，有時都有好同唔好嘅評價，我覺得唔緊要，最緊要我喺當中盡咗最大努力，每一個意見我都會接受，咁的而且確我認為自己仲有好大嘅進步空間，我都會不斷去力求進步。」梁詠琪又稱未有看過內容：「私底下亦唔係好認識，所以我覺得唔使理會咁多嘢，做好自己本分同眼前嘅工作就夠，我覺得唔係好關我事。」梁文禮重返節目《叱吒樂壇》後，在節目一開始公開向梁詠琪道歉，又稱自己與梁詠琪私下不相熟，曾透過Vani向對方解釋：「佢有6呎高嘅大量，應該比一般人好好多！希望Gigi可以開心，都好好放假。」最後他說：「我哋每日返到嚟商台，喺直播室一開門就見到對聯，呢個對聯係每日都望到，望完先會入直播室，呢個對聯係商台嘅座右銘『話到口中留幾句，理從是處讓三分』，呢個係何佐芝提醒大班（鄭經瀚）凡事留有餘地。當大班離開商台後，對聯仍然掛喺直播室門口，我覺得我哋一日返嚟做節目又好，又或者喺生活上講任何一個意見到好，其實都要好好思量呢句對聯所講嘅嘢，先再作出下一步。」其後梁詠琪經理人亦回覆梁文禮道歉：「事情就讓它告一段落吧！謝謝外界對演唱會的好評，整個團隊都很振奮，Gigi也在不斷力求進步，大家有目共睹，大家都放低向前行吧！」