5男涉與14歲女童非法性交案 科大生錄影會面稱性交因「寂寞孤單」 警員否認事前曾威嚇誘使

5男3年前透過交友應用程式Heymandi認識14歲女童後，涉嫌分別與女童性交及肛交等，案件今日於高等法院續審。24歲科大生錄影會面中承認「知佢未成年，唔知佢確切幾歲」，性交因為性需要，「寂寞孤單，希望透過性行為得到滿足感」。警員盤問下否認曾稱「只要你錄口供嘅時候認咗就得，交埋罰金下晝有得走，但係如果你唔認罪，令阿sir難做，都唔會畀你好過」，以致科大生於威嚇誘使下杜撰錄影會面內容。

吳啟正：因「寂寞孤單」與X性交

被告為28歲小學教師譚兆竣、33歲地政主任陳家明、24歲科大生吳啟正、31歲消防員曹杰庭及28歲YouTuber黃栢康。5人各被控1項與16歲以下的女童非法性交及1項向兒童作出猥褻行為罪。曹杰庭另被控1項未經同意下作出的肛交罪。黃栢康另被控2項襲擊致造成身體傷害罪。

庭上今播放被告吳啟正的錄影會面，吳啟正交代2023年5月27日相約女童X到荃灣福來邨永寧樓住所補習，承認女童X以性行為來為補習「交學費」，曾與自己手淫、口交及性交，性交期間有使用安全套。吳啟正指案發時知道女童X曾與超過10人發生性行為，「知佢未成年，唔知佢確切幾歲」。被問及明知女童X不足16歲，何以與之性交時，吳啟正沉默良久後，回答既因為性需要，亦因為「寂寞孤單，希望透過性行為得到滿足感，因為家庭問題」。

警員否認錄影會面前向吳施加威嚇與誘使

辯方盤問錄影會面警員20143指，上門拘捕被告吳啟正時，同行警員入屋後用力壓住吳啟正肩膊壓倒梳化上，質問「個女仔得14歲，有冇同佢搞嘢？」令吳啟正驚慌，另外2名警員再一同圍住吳啟正，輪流指「個女仔已經錄咗口供，話你做咗2次」，又稱已取得屋邨閉路電視片段，「你唔認都冇用喇」，吳啟正曾問道「阿sir使唔使坐監呀？」警員回應「認咗就好小事，最多罰下錢，同埋下晝有得保釋走」，於是吳啟正於警誡下杜撰「我知佢未夠16歲，但佢願意同我搞嘢」，吳啟正其後致電時任實習僱主時，警員惡言相向稱「唔好玩嘢」，警員20143悉數否認。

辯方續盤問指警員乘坐警車押解吳啟正到警署期間，吳啟正再次問道「使唔使坐監？」警員分別回應「好小事，只要你錄口供嘅時候認咗就得，交埋罰金下晝有得走，但係如果你唔認罪，令阿sir難做，都唔會畀你好過」，因此吳啟正在威嚇及誘使下虛構錄影會面內容，警員20143同樣否認。

案件編號：HCCC94/2025
法庭記者：陳子豪