男友搵工碰壁獨自回流 移英港女驚陷分手魔咒 「走又淡、唔走又散」網民：為自己開心作決定｜Juicy叮
異鄉的土壤，埋著多少人的夢，也埋著愛情的根與芽。一對移英戀人，為生活所迫，一個準備回流，一個堅持留守。明明牽著的手，終究要走到隔山隔海的那一端。當愛，成了異鄉最沉重的行李，卸不下，也提不起，只剩徬徨與嘆息，在風裏飄零。詳情見下圖及下文：
男友搵工碰壁獨自回流 移英港女驚陷分手魔咒 「走又淡、唔走又散」網民：為自己開心作決定逐張睇↓↓↓↓
男友派定心丸「只係返工唔係分手」
樓主昨天（ 12日）在社交平台 Threads發帖，分享自己正經歷的感情危機。樓主透露「男朋友一直喺英國搵唔到工，諗住回流香港工作」，雖然男友「樣樣以我為先，對我好好好錫我」，但眼見男友留喺英國生活得十分辛苦，令她左右為難。
男友表示自己「剩係去返工jei（啫）唔係要同我分手」，無助的樓主唯有向大眾詢問「大家覺得這段關係會點發展落去」。
網民直言 Long D 終局多數分手
網民冷眼旁觀，大嘆遠距離戀愛的殘酷結局，直言「95% long D（遠距離戀愛） ends up（最終） 分手」。
有人指出「男朋友喺英國呢個環境無辦法生存，唔走都係等使晒啲錢，你見到都難受」。
網民警告，如果樓主在英國如魚得水而男友不是，「喺呢個環境你哋能力上嘅距離已經相差好遠」，長此下去關係也會變得脆弱，感嘆現在的情況簡直是「走又淡、唔走又散」，是時候要做個決定。
有人亦質疑樓主的男友，直言「一直搵唔到工搵咗幾耐，邊類工先」，並指出「唔諗搬去其他城市其他工種，一諗就話返香港，咁係似人問題」。
過來人勸切勿盲目回流
除了感情危機，不少網民亦提出了回港搵工的現實問題。有人分享身邊真實個案，指「有朋友上年回流到依家都搵唔到工，香港變得好快，亦都唔係你走之前嘅香港」。
該名網民指出，如果男友回去純粹為了搵工，建議「搭到條好路先返去」，否則「生活步伐唔一致都唔可以勉強」。這場關於搵工的現實討論，直接點醒了無數計劃回流的港人。
網民：在英表面有樓有車實則痛苦
留言區更有已在當地獲得永久居留的網民自爆血淚史，直言在英國生活「有永居、有樓、有車、有工作」看似完美，但住耐了「慢慢變成每日返工、返工、返工，人生好似冇咗目標」。
他透露有了小朋友後，另一半的心力全放在孩子身上，導致兩人「少咗交流，多咗吵架，甚至試過嘈到要報警」。自己一直隱忍情緒，「最後先發現自己已經唔係好開心」。
他勸勉樓主與男友，現在面對的未必是回流與否，而是「要諗下兩個人想要嘅生活究竟是點」，希望兩人都能為「真正開心而作決定」。
資料來源：liveawetherspoons＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
