東張西望｜Baby Face 2.0母胎單身30年  獲靚女搭訕：我哋一見鍾情  面對美容騙局點甩身？

今晚《東張西望》報道一位現年30歲的何先生，早前於九龍灣行商場時，獲得一名靚女主動搭訕，更表明想跟他做朋友。何先生以為天賜良緣，並認為第一次跟對方眼神接觸，大家已有一見鍾情的感覺，而靚女不斷問自己私人問題，更是「佢對我有意思」的鐵證。從未拍拖的他以為出Pool在望，怎料跟對方約會時，竟不斷被推銷美容療程，究竟被主持區永權封為「Baby Face 2.0」的何先生，最後有否中美人計而墮入「美容騙局」？

Baby Face 2.0自詡高大標緻

蓄短髮戴眼鏡，身材圓潤的何先生，雖直言30年來從未拍拖，但難得他卻自信滿滿，自詡是優質筍盤：「我高大標緻，又聲線雄厚，個天都安排個女仔畀我，呢次我仲唔Sure Win？」。早前他於九龍灣一個商場行街時，突然有年輕美女邀請他填問卷，填完後就問何先生「不如做個朋友」，他欣然答應，並謂「同佢眼神接觸，大家好似有一見鍾情嘅感覺，彼此之間都好似有一個微妙嘅關係」，何先生更覺得對方有問他的私人事，是「對我有啲意思先咁問」。何先生表示心情十分興奮，已想像跟這位美女未來拍拖的感覺。

何先生今年30歲。

何先生雖曾未拍拖，但對自己外型充滿自信。

何先生向俞可程講述巧遇靚女經過。

何先生好快就「沉船」，覺得是天賜良緣。

何先生指這次緣份是天意安排。

何先生好快已開始想像未來該美女拍拖。

何先生騷出美女的照片。

何先生好快就應約食飯。

何先生第一次約會沒跟美女做美容療程，但她仍於社交軟件鍥而不捨。

何先生第二次約會激走美女。

何先生和對方道別慘被拉黑。

俞可程嘗試聯絡該女騙徒。

但俞可程未能成功。

何先生仍回味「美容騙局」。

何先生直指和美女吃飯機會難得。

Baby Face 2.0：佢要畀好印象我

大家傾得火熱，好快女方就約他到旺角一個商場食飯，但期間竟然指他面上有暗瘡問題，向他推銷美容療程。何先生因為覺得「有啲疑惑」，所以沒跟美女前去美容中心，但就好回味美女於今次飯局中「只食咗雪糕」：「應該係想話畀我聽佢好慳家，留個好印象畀我」。

Baby Face 2.0智退靚女騙徒

之後美女再次主動出擊，跟他在應用程式中傾個不停，開心得如騰雲駕霧的何先生，好快就再次應約食飯。不過今次美女想「霸王硬上弓」：「佢呢次就冇乜笑容，全程淨係推銷，話佢已經約好晒美容院，點解我唔上去」。何先生十分清醒，向對方表示因為她介紹的美容中心很冷門，故此沒有信心所以拒絕。之後美女就表示自己要吃「廚師發辦」，何先生就話「OK冇問題，不過遲吓先」，嬲得美女立即離場，何先生用社交軟件向她道別，立即慘遭拉黑。被問到今次有否實質受騙，何先生表示：「呃咗我兩球雪糕」。

Baby Face 2.0回味騙局？

對愛情充滿憧憬、對自己亦好有信心的何先生，雖然遇上騙局亦難禁回味「約會」過程：「我都不捨，又有啲傷心，因為係第一次同咁靚嘅女仔食飯」。之後主持俞可程曾致電該位年輕女騙徒，電話卻未能接通。