請工人湊仔就要揸頸就命？ 忍受黑面全能外傭8年成日鬧交 港媽決心換人結局意想不到｜Juicy叮
請工人猶如困獸鬥，請到好幫手是中六合彩，請到惡霸卻每日受氣。近日有港媽大吐苦水，指自己為了孩子，硬生生忍受了一位十項全能卻「當自己係 Boss（老闆）」的黑面外傭長達 8 年。最終，她痛定思痛決心換人，迎來的結局卻是意想不到。詳情見下圖及下文：
請工人湊仔就要揸頸就命？ 忍受黑面全能外傭8年成日鬧交 港媽決心換人結局意想不到逐張睇↓↓↓↓
港媽死忍 8 年終斬纜
樓主昨天（11日）在社交平台 Threads發帖，細訴這段充滿血淚的僱用外傭經歷。她指，第一個工人姐姐雖然會教小朋友功課、Phonics（英語拼讀法）及面試，煮餸更會做避風塘炒蟹和花膠炆鵝掌。但她情緒不穩定，成日黑面並「當自己係 Boss（老闆）」，令樓主與家人忍受對方脾氣長達 8 年，每次回到屋企都要受氣並「成日同佢鬧交」。
為了不讓小朋友在嘈怨巴閉的環境下成長，樓主最後「決定換姐姐」，重點在於「想個家庭和諧。唔想小朋友成日睇到我哋鬧交提心吊膽」。帖文引來網民驚嘆「好勁，咁都忍到8年」，直言「淨係搞到屋企家嘈屋閉都換得」。
新印傭表現意想不到
本以為新外傭入屋很難適應前一個那麼厲害的姐姐，豈料新外傭的表現卻令人意想不到。
樓主大讚新姐姐性格溫和，做事講一次就記住，早起早睡，更只會講「Yes Mom（好的，媽媽）」並「全部做到」。新姐姐更主動和小朋友整「pizza（薄餅）」和「拿破崙蛋糕」，煮的「印度咖喱」甚至比外面買的還要好。看著屋企重回和諧，小朋友也不用再害怕「畀佢鬧或者心情唔好」，令港媽「非常感恩」。
主僕亦是家庭成員
貼文引來網民深思，有人提問「小朋友有無唔捨得佢？我諗佢都會掛著小朋友，湊大應該好有感情」。有網民分析指，請工人雖然說是主僕關係，但朝夕相對「其實亦係家庭成員之一」，因為她做了解決很多家長要做的事。
但網民強調，如果屋企成日吵鬧，對小朋友成長絕對不好，直言「請個乖乖地，但未必100分嘅，對現階段嘅你更好」。
網民大嘆揸頸就命
不少網民大有共鳴，指把親生骨肉交託給別人照顧，做父母的為了大局著想只能無奈吞聲忍氣。網民道出全港僱主的辛酸，直言「仔仔畀人湊真係揸頸就命」，認為「換到個好係 bonus（花紅／獎賞）」。
苦主狂吐同類血淚史：周圍講我是非與掟嘢
大批飽受外傭烏氣的僱主，也趁機留言分享自家外傭越做越離譜的激心事跡。有網民表示「我之前有一個都係咁」，家務煮飯不錯但脾氣差，「少少嘢起晒槓，成日鬧我，周圍同其他姐姐講我是非」，對著她真的非常辛苦，最後只能選擇解僱。
有人大嘆自家的工人姐姐已經簽到第六份合約，卻「愈嚟愈懶」，雖然在大人面前不敢發脾氣，背後卻被細路踢爆「喺廚房掟嘢」。該外傭更會經常向孩子抱怨「佢啲朋友有幾多錢人工，但佢得幾多」，平日只顧日夜「織嘢」及「講電話同視像」，讓僱主「愈嚟愈心淡」。
資料來源：doris_lee3456＠Threads
相關閱讀：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
